કોઠારીયા રોડ સાંઈ દર્શન એપાર્ટમેન્ટમાં પાડોશીઓ બાખડયા: માથામાં ઇજા થતાં ભરત રાઠોડનું મોત

રાજકોટ,તા.5
કોઠારીયા રોડ સાંઈ દર્શન એપાર્ટમેન્ટના પાર્કિંગમાં બે પાડોશી બખાડતા એક અચાનક ઢળી પડતા તેમને માથામાં ઇજા થતાં તેના ઘટના સ્થળે જ કમકમાટી ભર્યા મોત નિપજયુ હતું.તેમના શંકાસ્પદ મોતથી મૃતદેહનું ફોરેન્સિક પોસ્ટ મોર્ટમ કરાયું છે.આ અંગે આજીડેમ પોલીસે કાર્યવાહી આદરી છે.

બનાવની વિગતો અનુસાર,મૂળ ગોંડલના વાસાવડના અને હાલ કોઠારીયા રોડ સાંઈ દર્શન એપાર્ટમેન્ટમાં ત્રીજા માળે રહેતા ભરતભાઈ ગગજીભાઈ રાઠોડ(કડીયા)(ઉ.વ.50) ગઈકાલે એપાર્ટમેન્ટના પાર્કિંગમાં હતા ત્યારે ત્રીજા માળે જવા લિફ્ટ ખુલતા જ ચોથા માળે રહેતા મહેશ લાખાભાઈ ચાવડા એ આવી બોલાચાલી કરી હતી તેમજ ભરતભાઈને મારમારતા તેઓ ઢળી પડ્યા હતા તેમને માથામાં ઇજા થતાં તેમનું ઘટનાસ્થળે જ કમકમાટી ભર્યું મોત નીપજ્યું હતું.

આ બનાવ અંગે ભરતભાઈનું શંકાસ્પદ મોત નિપજતા હત્યાની શંકાએ તેમના મૃતદેહનું ફોરેન્સિક પોસ્ટમોર્ટમ કરવા તજવીજ આદરી છે.ભરતભાઈ બે ભાઈ ત્રણ બહેનમાં નાના,બે પુત્ર અને પોતે ખેતીકામ કરતા હતા.ગઈકાલે રાત્રે મહેશે કોઈ મામલે માથાકૂટ કરી હતી.હાલ આજીડેમ પોલીસે મહેશની અટકાયત કરી પૂછપરછ શરૂ કરાઇ છે.

આ પ્રકારના તમામ સમાચાર માટેે App ડાઉનલોડ કરો.