મહીસાગર ડિસ્ટ્રીક્ટ ડેવલોપમેન્ટ કો. ઓર્ડિનેશન અને મોનિટરીંગ કમિટી (દિશા)ની સમીક્ષા બેઠક યોજાઇ
મહીસાગર જિલ્લા સેવા સદન ખાતે દાહોદ સાંસદશ્રી જસવંતસિંહ ભાભોરની અધ્યક્ષતા અને પંચમહાલ સાંસદશ્રી રાજપાલસિંહ જાદવની સહઅધ્યક્ષતામાં ડિસ્ટ્રીક્ટ ડેવલોપમેન્ટ કો. ઓર્ડિનેશન અને મોનિટરીંગ કમિટી (દિશા)ની સમીક્ષા બેઠક યોજાઇ હતી.
આ બેઠકમાં સાંસદ શ્રી ભાભોરે જિલ્લામાં ચાલી રહેલી યોજનાઓની કામગીરી ઝડપભેર થવી જોઇએ અને સમયમર્યાદામાં યોજનાઓના લક્ષ્યાંક પૂરા થવા જોઇએ. તેમ જણાવી તેમણે આવાસ, સિંચાઇ, કૃષિ, અંતર્ગત થઇ રહેલી કામગીરી, આરોગ્ય, શિક્ષણ વગેરે ક્ષેત્રોમાં યોજનાઓની પ્રગતિ અને લક્ષ્યાંક સિદ્ધિ બાબત ચર્ચા-સમીક્ષા કરી હતી
આ બેઠકમાં નિરાધાર વૃધ્ધ સહાય યોજના, ગંગા સ્વરૂપા આર્થિક સહાય યોજના, જિલ્લા ગ્રામ વિકાસ એજન્સી કચેરીની યોજનાઓ પ્રધાનમંત્રી આવાસ યોજના (ગ્રામ્ય) મનરેગા, નગરપાલીકા લુણાવાડા, સંતરામપુર, બાલાસિનોરની પ્રધાનમંત્રી આવાસ યોજના (અર્બન) સ્વચ્છ ભારત મિશન (અર્બન)ની સમીક્ષા તેમજ પ્રધાનમંત્રી ગ્રામ સડક યોજના, (PMGSY) સંકલિત બાળ વિકાસ યોજના, સર્વ શિક્ષાઅભિયાન, જિલ્લા ખેતીવાડી યોજનાઓ, સામાજિક વનીકરણ, જિલ્લા રોજગાર કચેરી દ્વારા કરવામાં આવેલી કામગીરીની સમીક્ષા કરવામાં આવી હતી. બેઠકમાં વિકાસના કામો ગુણવત્તાયુક્ત થાય તે જોવા પર ભાર મુકી તમામ કામો ઝડપી અને સમયમર્યાદામાં પૂર્ણ થાય તે જોવા સુચવ્યું હતું.
દિશા કમીટીની આ બેઠકમાં જિલ્લા પંચાયત પ્રમુખ શ્રી બાબુભાઇ પટેલ , જિલ્લા કલેકટર શ્રીમતી નેહા કુમારી, જિલ્લા વિકાસ અધિકારી શ્રી યુવરાજ સિદ્ધાર્થ ,અધિક નિવાસી કલેક્ટરશ્રી સી વી લટા સહિત જિલ્લાના પદાધિકારીશ્રીઓ, અધિકારીશ્રીઓ ઉપસ્થિત રહ્યાં હતા.
9925468227
આ પ્રકારના તમામ સમાચાર માટેે
App ડાઉનલોડ કરો.