રાજકોટમા પટેલ યુવતી પર વિધર્મી યુવકે આચર્યુ દુષ્કર્મ

રાજકોટની ગેલેરીયા હોટલમાં બળાત્કાર ગુજાર્યાની તાલુકા પોલીસમાં ફરિયાદ નોંધાતા અમદાવાદના પરિણીત મુસ્લિમ શખ્સની પોલીસે શોધકોળ હાથધરી છે.
આ અંગેની પોલીસમાંથી પ્રાપ્ત વિગત મુજબ મુળ લાલપુર તાલુકાના સેતાલુશ ગામની પટેલ યુવતી બે વર્ષ પહેલાં અમદાવાદની મેડિકલ કંપનીમાં કામ કરતી હતી ત્યારે તેની સાથે કામ કરતા અમદાવાદના જુહાપુરા વિસ્તારના ઝુબીન શમીમખાન પઠાણના પરિચયમાં આવતા બંને વચ્ચે પ્રેમ સંબંધ બંધાયો હતો. શમીમ પઠાણ પરિણીત હોવાની જાણ થતા અમદાવાદ છોડી રાજકોટના સાધુવાસવાણી રોડ પર રહેવા માટે આવી હતી.
પોતાના ભાઇ સાથે રહેતી પટેલ યુવતીને અમદાવાદથી ઝુબીન પઠાણ ત્રણેક માસ પહેલાં મળવા આવ્યો હતો અને 150 ફુટ રીંગ રોડ પર ગેલેરીયા હોટલમાં લઇ જઇ બળાત્કાર ગુજાર્યાનું ફરિયાદમાં જણાવ્યું છે.
તાલુકા પોલીસ મથકના પી.આઇ. ગોંડલીયા અને પી.એસ.આઇ. વી.એન.મોરવાડીયા સહિતના સ્ટાફે અમદાવાદના જુબીન સામે બળાત્કાર અંગેનો ગુનો નોંધી શોધખોળ હાથધરી છે.

આ પ્રકારના તમામ સમાચાર માટેે App ડાઉનલોડ કરો.