દુધના ધંધાર્થીએ દૂધની સાથે દારૂ-બિયરની પણ સપ્લાય ચાલુ કરી ૫૪ બોટલ અને ૭૨ ટીન બિયર સાથે ઝડપાયો
બુટલેગરો પોલીસથી બચવા નવી નવી ટેકનીક અપનાવી દારૂનો ધંધો કરતાં હોય છે. પરંતુ પોલીસના સાતીર દિમાગ પાસે તે નાકામિયાબ થાય છે. ગઈકાલે દારૂ લઈ આવી દુધના ધંધાર્થી દુધના કેનમાં દૂધની સાથે દારૂની સપ્લાય કરવા નીકળ્યો અને એલસીબી ઝોન-2 ની ટીમે પરસાણા ચોક પાસેથી દબોચી રૂ.46700 નો મુદ્દામાલ કબ્જે કર્યો હતો.
દરોડાની વિગત મુજબ, એલસીબી ઝોન-1 ના પીએસઆઈ આર.એચ.ઝાલા ટીમ સાથે પેટ્રોલિંગમાં હતાં ત્યારે સાથેના હેડ કોન્સ્ટેબલ હરપાલસિંહ જાડેજા, વિરેન્દ્રસિંહ ઝાલા, કોન્સ્ટેબલ જેન્તીગીરી ગોસ્વામી અને ધર્મરાજસિંહ ઝાલાને પરસાણા ચોકથી કણકોટ જવાના રસ્તા પર એક શખ્સ દુધના કેનમાં દારૂ-બિયરનો જથ્થો ભરી ઉભો હોવાની ચોક્કસ બાતમીના આધારે સ્ટાફે દરોડો પાડી શખ્સનું નામ પૂછતાં રાહુલ બોદા વકાતર (ઉ.વ.23),(રહે. પંચરત્ન પાર્ક, 25 વારીયા બ્લોક નં.354, ગવર્મેન્ટ એન્જીનીયરીંગ કોલેજ પાછળ) હોવાનું જણાવ્યું હતું.
તેમની પાસે રહેલ દુધના પાંચ કેનમાં તપાસ કરતાં તેમાંથી દારૂની 54 બોટલ અને બિયરના 72 ટીન મળી આવતાં રાહુલ વકાતરની ધરપકડ કરી રૂ.46700 નો મુદ્દામાલ કબ્જે કરી દારૂ ક્યાંથી લાવ્યો અને ક્યાં સપ્લાય કરવાનો હતો તે અંગે પૂછતાછ હાથ ધરી હતી
9879405838
આ પ્રકારના તમામ સમાચાર માટેે
App ડાઉનલોડ કરો.