ગાંધીગ્રામ અને બાબરીયા કોલોનીમાં જુગારના દરોડા : પાંચ મહિલા સહિત 11 ઝડપાયા

ગાંધીગ્રામ વિસ્તારમાં અને બાબરીયા કોલોનીમાં ચાલતા જુગારધામમાં પોલીસે દરોડા પાડી પતા ટીંચતી પાંચ મહિલા સહિત 11 શખ્સોને ઝડપી પાડી રૂા. 22 હજારનો મુદામાલ જપ્ત કર્યો હતો.
દરોડાની વિગત મુજબ ગાંધીગ્રામ પોલીસ મથકના પીએસઆઇ એસ.એલ.ગોહિલ ટીમ સાથે પેટ્રોલીંગમાં હતા ત્યારે સાથેના કોન્સ્ટેબલ મુકેશ સબાડને ગાંધીગ્રામમાં ગાંધીનગર શેરી નં. 2/5ના કોર્નર પર રહેતા સાગર વિનોદ પરમારના મકાનમાં જુગારધામ ધમધમે છે.
તેવી મળેલ ચોકકસ બાતમીના આધારે સ્ટાફે દરોડો પાડી બંધબારણે પતા ટીંચતા સાગર પરમાર, ધર્મેશ હરેશ જાદવ, વિશાલ હરેશ જાદવ, ચિરાગ ભરત સોલંકી, મનીષાબેન દિનેશ વિસપરા, પ્રીતિબેન દિલીપ ભીમજીયાણી, રક્ષાબેન કિરીટ ભીંડી અને બીનાબેન બળવંત રાજાને દબોચી રૂા. 11400ની મતા કબ્જે કરી હતી.
જયારે બીજા દરોડામાં ભકિતનગર પોલીસની ટીમે બાબરીયા કોલોની આવાસ યોજના કવાર્ટરમાં રહેતી પૂરીબેન કેશુ મોઢવાડીયાના મકાનમાં બંધબારણે ચાલતા જુગારધામમાં દરોડો પાડી પતા ટીંચતા પૂરીબેન મોઢવાડીયા, હાસમ કાસમ શેખ અને મહેન્દ્ર પ્રતાપસિંહ પ્રભુદયાળ કઠેરીયાને દબોચી રૂા.10700ની મતા સાથે પકડી પાડયા હતા.

આ પ્રકારના તમામ સમાચાર માટેે App ડાઉનલોડ કરો.