રિદ્ધિમા પંડિતે શુભમન ગિલ સાથે લગ્નની અફવા પર વાત કરી:કહ્યું, ‘તે ખૂબ જ સુંદર છે પણ હું તેને ક્યારેય મળી નથી; અમે એકબીજાને અંગત રીતે પણ ઓળખતા નથી’
ટીવી એક્ટ્રેસ રિદ્ધિમા પંડિત આ દિવસોમાં પોતાના લગ્નના સમાચારને લઈને ચર્ચામાં છે. તેનું નામ ક્રિકેટર શુભમન ગિલ સાથે જોડવામાં આવી રહ્યું છે. મીડિયા રિપોર્ટ્સમાં દાવો કરવામાં આવી રહ્યો છે કે અભિનેત્રી ડિસેમ્બર 2024માં તેના કરતા 9 વર્ષ નાના શુભમન ગિલ સાથે લગ્ન કરવા જઈ રહી છે. રિદ્ધિમાએ હવે એક ઈન્ટરવ્યૂમાં આ અહેવાલો પર સ્પષ્ટતા આપી છે. તેણે શુભમનને ક્યૂટ પણ કહ્યો છે. ફિલ્મી જ્ઞાનને આપેલા એક ઈન્ટરવ્યૂમાં રિદ્ધિમાએ કહ્યું, 'પહેલી વાત તો એ છે કે હું શુભમનને ઓળખતી પણ નથી. તે એક મહાન ખેલાડી છે પરંતુ હું તેને અંગત રીતે ઓળખતી નથી. જ્યારે હું ક્યારેય તેને મળીશ ત્યારે મને ખાતરી છે કે અમે આ વિશે વાત કરીને હસશું. તે ખૂબ જ ક્યૂટ છે પણ અત્યારે એવું કંઈ નથી.' રિદ્ધિમા પહેલા જ સ્પષ્ટતા કરી ચૂકી છે
થોડા મહિના પહેલા પણ રિદ્ધિમાએ સોશિયલ મીડિયા પર શુભમન સાથેના લગ્નના સમાચારને નકારી કાઢ્યા હતા. એક પોસ્ટ શેર કરીને તેણે કહ્યું હતું, 'મારી સવારની શરૂઆત ઘણા પત્રકારોના કોલથી થઈ હતી. બધા મારા આગામી લગ્ન વિશે જાણવા માગતા હતા. પણ કયા લગ્ન? કોની સાથે ?'
'જો મારા જીવનમાં આવું કંઈક થતું હોય. જો હું લગ્ન વિશે વિચારી રહી છું, તો હું વ્યક્તિગત રીતે તેની જાહેરાત કરીશ. હાલમાં આ સમાચારમાં કોઈ સત્યતા નથી.' રિદ્ધિમા 'બહુ હમારી રજનીકાંત'થી ફેમસ થઈ હતી
રિદ્ધિમા પંડિત 'બહુ હમારી રજનીકાંત' અને 'ખતરા ખતરા ખતરા' જેવા ટેલિવિઝન શોમાં જોવા મળી હતી. ટૂંક સમયમાં જ તે ફેમસ ટીવી શો 'નાગિન'ની સાતમી સિઝન સાથે કમબેક કરી રહી છે. કહેવામાં આવી રહ્યું છે કે આ શોમાં રિદ્ધિમાનું પાત્ર શ્રીદેવીની ફિલ્મ નગીનાથી પ્રેરિત હશે. રિદ્ધિમા પહેલા શુભમનનું નામ સચિન તેંડુલકરની પુત્રી સારા તેંડુલકર અને સારા અલી ખાન સાથે પણ જોડાઈ ચૂક્યું છે.
આ પ્રકારના તમામ સમાચાર માટેે
![](https://atthistime.in/wp-content/uploads/2018/04/playstore.png)