વડોદરા: મધુનગરના રહીશોને ભાડું નહી ચૂકવાતા નારાજ રહીશોની રજૂઆત

વડોદરા,તા.2 ઓગષ્ટ 2022,મંગળવારવડોદરા શહેરના વાઘોડિયા રોડ ગુરુકુળ ચાર રસ્તા પર આવેલ મધુનગરના રહીશોને છેલ્લા એક વર્ષથી પાલિકા દ્વારા ભાડાની ચુકવણી ન કરવામાં આવતા લાચાર રહીશો દ્વારા પાલિકાની કચેરીએ પહોંચી જાય પૂર્વ વિપક્ષી નેતાને મળી પોતાની વેદના વ્યક્ત કરી હતી.વાઘોડિયા રોડ ગુરુકુળ ચાર રસ્તા નજીક આવેલ મધુનગર ના મકાનો 2017માં તોડી પાડવામાં આવ્યા હતા. ત્યારબાદ તે જ જગ્યાએ મકાનો બનાવી આપવાની ખાતરી આપવામાં આવી હતી અને મકાન ન બને ત્યાં સુધી બે હજાર રૂપિયા ભાડું આપવાનું નક્કી કરવામાં આવ્યું હતું. પરંતુ છેલ્લા 11 મહિનાથી ભાડાની રકમ રહીશોને ન ચૂકવવાતા આજરોજ પાલિકાની કચેરીએ પહોંચી પૂર્વ વિપક્ષે નેતા અને હાલના કોંગ્રેસના કાઉન્સિલર ચંદ્રકાંત શ્રીવાસ્તવ ને રજૂઆત કરી હતી ચંદ્રકાંત શ્રીવાસ્તવ દ્વારા લાગત અધિકારીને આ બાબતે જાણ કરી તાત્કાલિક ધોરણે રહીશોને ભાડાની ચુકવણી કરવામાં આવે અને વહેલીમાં વહેલી તકે મકાનની પણ ફાળવણી કરવામાં આવે તેવી રજૂઆત કરી હતી.અત્રે ઉલ્લેખનીય છે કે આશરે 90 જેટલા પરિવારો ની હાલત અત્યારે મકાન અને ભાડા વિના દયનીય બની છે. 

આ પ્રકારના તમામ સમાચાર માટેે App ડાઉનલોડ કરો.