વડોદરા સેન્ટ્રલ જેલમાં ઘુસી આવેલા મગરનું રેસ્ક્યુ

વડોદરા,તા.30 જુલાઈ 2022,શનિવારવડોદરા સેન્ટ્રલ જેલમાં મધરાતે મગર આવી જતા પોલીસ જવાનોએ જીવ દયા કાર્યકરોની મદદ લીધી હતી.શહેરમાં વિશ્વામિત્રી નદીમાંથી વારંવાર બહાર આવી જતા મગરો મુખ્ય માર્ગો પર તેમજ રહેણાંક વિસ્તારોમાં ઘૂસી આવતા હોય છે. જેને કારણે જીવ દયા કાર્યકરોની મદદ લેવામાં આવતી હોય છે.વિશ્વામિત્રીને અડીને આવેલી વડોદરા સેન્ટ્રલ જેલમાં ગઈ મધરાત બાદ ત્રણેક ફૂટનો એક મગર ઘુસી આવ્યો હતો. મગરની હિલચાલ પર ગાર્ડની નજર પડી હતી. જેથી તેણે પોલીસ જવાનોને જાણ કરતા જીવ દયા કાર્યકરોને બોલાવવામાં આવ્યા હતા.કાર્યકરોએ અડધા કલાકની જેમત બાદ મગરનું રેસ્ક્યુ કરી ફોરેસ્ટ વિભાગને સોંપ્યો હતો. જો મગર જેલની અંદર ઘૂસી ગયો હોત તો વધુ ઉત્પાત મચ્યો હોત.

આ પ્રકારના તમામ સમાચાર માટેે App ડાઉનલોડ કરો.