રણબીરે ખોલ્યું લગ્નજીવનનું સિક્રેટ:‘આલિયા સાથે ઝઘડો થાય ત્યારે હું જ સોરી કહું છું, પણ આલિયા વકીલની જેમ દલીલો કરતી રહે છે’

રણબીર કપૂર અને આલિયા ભટ્ટને ઈન્ડસ્ટ્રીનું સૌથી પાવરફૂલ કપલ માનવામાં આવે છે. હાલમાં જ રણબીરે એક ઇન્ટરવ્યૂ દરમિયાન પોતાના સંબંધો વિશે ખુલ્લીને વાત કરી હતી. એક્ટરે કહ્યું કે જ્યારે આલિયા અને તેમની વચ્ચે ઝઘડો થાય છે ત્યારે તેમનું રિએક્શન શું હોય છે. રણબીરે કરીના કપૂર ખાન સાથે વાત કરતા કહ્યું- જ્યારે પણ અમારી વચ્ચે ઝઘડો થાય છે ત્યારે હું થોડું અંતર રાખું છું. આલિયા વિશે વાત કરતાં રણબીરે કહ્યું કે તે આવું નથી કરતી. તે વકીલની જેમ વર્તે છે. જો તેમને લાગે છે કે કંઈક ખોટું થયું છે, તો તે જ્યાં સુધી પોતાની વાત સાબિત ન કરે ત્યાં સુધી તે વાતને છોડતી નથી. મને સહેજ પણ અહંકાર નથી : રણબીર કપૂર
વધુમાં એક્ટરે કહ્યું, કે હું એક એવો છોકરો છું જેને કોઈ અહંકાર નથી અને કોઈ આત્મસન્માન નથી. હું 'સોરી' કહીને ખૂબ જ ખુશ છું કે તે સાચું છે કે ખોટું પરંતુ મને આ પસંદ છે. મિર્ચી પ્લસ માટે કરીના કપૂર ખાન સાથે વાત કરતી વખતે તેમણે વધુમાં જણાવ્યું હતું કે, જ્યારે કોઈ કપલ ઝઘડા કરે છે, ત્યારે ક્યારેક તેઓ એકબીજાને નુકસાન પહોંચાડવા માટે આવી વાતો કહે છે, જે કદાચ તેઓએ ન કહેવું જોઈએ. આમ કહેવાનો તમારો કોઈ ઈરાદો ન હોવા છતાં સામેની વ્યક્તિને લાગે છે કે તમે વિચારીને બોલી રહ્યા છો. રણબીર-આલિયાએ 2022માં લગ્ન કર્યા હતા
રણબીર અને આલિયાએ 14 એપ્રિલ 2022ના રોજ પરિવાર અને કેટલાક ખાસ મિત્રોની હાજરીમાં લગ્ન કર્યા હતા. 2017માં બંને પહેલીવાર ફિલ્મ 'બ્રહ્માસ્ત્ર'ના સેટ પર મળ્યા હતા. આ પછી કપલ એકબીજાને ડેટ કરવા લાગ્યા. 5 વર્ષ સુધી એકબીજાને ડેટ કર્યા બાદ બંનેએ લગ્ન કરી લીધા.

આ પ્રકારના તમામ સમાચાર માટેે App ડાઉનલોડ કરો.