જામનગરની સંસ્કૃત પાઠશાળામાં તેમજ દયાશંકર બ્રહ્મપૂરીમાં ભૂદેવો દ્વારા બળેવની ઉજવણી કરાઈ

 જામનગર,તા.11 ઓગષ્ટ 2022,ગુરૂવારજામનગર શહેરમાં આવેલી સંસ્કૃત પાઠશાળા ખાતે તેમજ દયાશંકર બ્રહ્મપુરીમાં ભૂદેવો દ્વારા આજે બળેવના પર્વની ઉજવણી કરવામાં આવી હતી, અને જનોઈ બદલાવવાનો કાર્યક્રમ વૈદિક મંત્રોચ્ચાર સાથે કરવામાં આવ્યો હતો. જામનગરમાં કાશી વિશ્વનાથ મંદિર રોડ પર આવેલી સંસ્કૃત પાઠશાળામાં ભૂદેવ દ્વારા આજે રક્ષાબંધન એટલે કે બળેવના પવિત્ર તહેવારને અનુલક્ષીને સમૂહમાં જનોઈ બદલવાનો કાર્યક્રમ યોજવામાં આવે છે. ભૂદેવો પવિત્ર સ્નાન કર્યા પછી માત્ર પિતાંબરી અથવા ધોતીયું ધારણ કરીને વિધિ વિધાન અને વૈદિક મંત્રોચ્ચાર સાથેની પૂજા વિધિ કરીને સમૂહમાં જનોઈ બદલાવાનો કાર્યક્રમ યોજાયો હતો. તે જ રીતે જામનગરમાં કેવી રોડ પર આવેલી દયાશંકર બ્રહ્મપુરીમાં પણ ભૂદેવોએ એ વૈદિક મંત્રોચ્ચાર સાથે સમૂહમાં જનોઈ બદલવાનો કાર્યક્રમ રાખ્યો હતો, અને જનોઈ બદલાવી બળેવના પર્વની ઉજવણી કરી હતી.

આ પ્રકારના તમામ સમાચાર માટેે App ડાઉનલોડ કરો.