વીડી સાવરકર પર રાહુલ ગાંધીનું વિવાદાસ્પદ નિવેદન:પોલીસે કહ્યું- તપાસમાં ફરિયાદ સાચી છે; સાવરકરના પૌત્રે માનહાનિનો કેસ નોંધાવ્યો હતો

પુણે પોલીસે રાહુલ ગાંધી પર વીડી સાવરકરને બદનામ કરવાનો આરોપ લગાવતી ફરિયાદને સાચી ગણાવી છે. સાવરકરના પૌત્ર સાત્યકીએ એપ્રિલ 2023માં રાહુલ ગાંધી વિરુદ્ધ IPCની કલમ 499 અને 500 હેઠળ માનહાનિનો કેસ નોંધાવ્યો હતો. સાત્યકીનું કહેવું છે કે માર્ચ 2023માં વીડી સાવરકર પર રાહુલ ગાંધીનું નિવેદન ખોટું અને દુર્ભાગ્યપૂર્ણ છે. પોતાના નિવેદનમાં રાહુલે કહ્યું હતું કે વીર સાવરકરે તેમના પુસ્તકમાં લખ્યું છે કે તેમણે અને તેમના પાંચ-છ મિત્રોએ એકવાર એક મુસ્લિમ વ્યક્તિને માર માર્યો હતો અને સાવરકર ખુશ થયા હતા. આ મામલે સાત્યકીએ એપ્રિલ 2023માં પુણેના વિશ્રામબાગ પોલીસ સ્ટેશનમાં રાહુલ વિરુદ્ધ કેસ નોંધાવ્યો હતો. પોલીસે આ કેસની તપાસ કરી અને 27 મે 2024ના રોજ કોર્ટમાં પોતાનો તપાસ અહેવાલ રજૂ કર્યો હતો. પોલીસે કહ્યું કે અમારી તપાસમાં જાણવા મળ્યું છે કે વીડી સાવરકરે તેમના કોઈ પુસ્તકમાં આવી ઘટના વિશે લખ્યું નથી, પરંતુ તેમ છતાં રાહુલ ગાંધીએ તેમના ભાષણ દરમિયાન આવી ટિપ્પણી કરી હતી. સાત્યકીના વકીલે કોર્ટને જણાવ્યું કે પોલીસ તપાસ રિપોર્ટ જ્યુડિશિયલ મેજિસ્ટ્રેટ (પ્રથમ વર્ગ) અક્ષી જૈનની કોર્ટમાં રજૂ કરવામાં આવ્યો હતો. કોર્ટ રાહુલ ગાંધીને હાજર રહેવા નોટિસ પાઠવી શકે છે. શું છે સમગ્ર વિવાદ...
કોંગ્રેસના નેતા રાહુલ ગાંધીએ માર્ચ 2023માં લંડનમાં એક ઈન્ટરવ્યુ દરમિયાન સાવરકર પર ટિપ્પણી કરી હતી. તેમના નિવેદન પર ભારે હોબાળો થયો હતો. સાત્યકી સાવરકરે કહ્યું હતું કે ગયા વર્ષે એપ્રિલમાં તેઓ આઈપીસીની કલમ 499 અને 500 હેઠળ ફરિયાદ લઈને કોર્ટમાં પહોંચ્યા હતા. ત્યારબાદ કોર્ટે વિશ્રામબાગ પોલીસને મારા પુરાવાની ખરાઈ કરીને 27 મે, 2024 સુધીમાં રિપોર્ટ સોંપવા જણાવ્યું હતું. સાત્યકીએ કહ્યું- રાહુલનું નિવેદન ખોટું છે
સાત્યકી સાવરકરે પોતાની ફરિયાદમાં કહ્યું હતું કે આવી કોઈ ઘટના ક્યારેય બની નથી અને વીડી સાવરકરે પણ આવું ક્યાંય લખ્યું નથી. સાત્યકીએ રાહુલ ગાંધીના આરોપને કાલ્પનિક અને ખોટા હોવાના​​​​ જણાવ્યા હતા. સાત્યકીએ કહ્યું કે વીડી સાવરકર લોકશાહીમાં માનતા હતા. તેમણે મુસ્લિમોને વૈજ્ઞાનિક દ્રષ્ટિકોણ અપનાવવાની સલાહ આપી હતી. રાહુલ ગાંધીએ કહ્યું- મોદી PM નહીં બને, EDથી બચવા કહે છે કે મોટા નિર્ણય ભગવાન લે છે, હું નહીં.
રાહુલ ગાંધીએ બિહારમાં એક રેલીમાં કહ્યું કે EDથી બચવા માટે PM મોદી કહે છે કે મોટા નિર્ણયો મારા દ્વારા નહીં, ભગવાન દ્વારા લેવામાં આવે છે. જો કોંગ્રેસ સરકાર બનાવે છે, તો ED અદાણી મામલે તેમની પૂછપરછ કરશે. મોદીજી, લાંબા-લાંબા ભાષણ આપવાનું બંધ કરો અને દેશના ભાગલા પાડવાની કોશિશ ના કરો. સૌથી પહેલા તમારે દેશના અને બિહારના યુવાનોને જણાવવું જોઈએ કે તમે દેશના યુવાનોને કેટલી રોજગારી આપી અને કેટલી નોકરીઓ આપી? તમે 2 કરોડ રોજગાર આપવાની વાત કરી હતી પરંતુ એક પણ યુવકને નોકરી આપી નથી. નરેન્દ્ર મોદી ગમે તે કહે, ભારતમાં 4 જૂન પછી ગઠબંધનની સરકાર બનવા જઈ રહી છે. આ બંધારણની ચૂંટણી છે. ભાજપના લોકોએ કહ્યું છે કે અમે આ બંધારણને ફાડીને ફેંકી દઈશું. તેજસ્વીએ બિહારમાં લોકોને રોજગારી પૂરી પાડી હતી.

આ પ્રકારના તમામ સમાચાર માટેે App ડાઉનલોડ કરો.