રાહુલે મનમોહન સિંહના મૃત્યુનો મલાજો ના રાખ્યો:રાષ્ટ્રીય શોક વચ્ચે વિદેશ ફરવા જતા રહ્યાનો ભાજપે આરોપ લગાવ્યો; અસ્થિ વિસર્જનમાં પણ ગાયબ

પૂર્વ વડાપ્રધાન ડૉ.મનમોહન સિંહના નિધનને લઈને ભાજપ અને કોંગ્રેસ વચ્ચે આરોપ-પ્રત્યારોપનો દોર ચાલુ છે. BJP IT સેલના વડા અમિત માલવિયાએ સોમવારે X પર લખ્યું- પૂર્વ પીએમના નિધનથી સમગ્ર દેશ શોકમાં છે ત્યારે રાહુલ નવા વર્ષની ઉજવણી કરવા વિયેતનામ ગયા હતા. રાહુલે ડૉ.સિંહના મૃત્યુનું રાજકીયકરણ કર્યું અને રાજકીય હેતુઓ માટે એનો લાભ લીધો. ગાંધી પરિવાર અને કોંગ્રેસ શીખોને નફરત કરે છે. ક્યારેય ભૂલશો નહીં કે ઈન્દિરા ગાંધીએ દરબાર સાહેબને અપવિત્ર કર્યું હતું. માલવિયાના આરોપો પર કોંગ્રેસ સાંસદ મણિકમ ટાગોરે કહ્યું- સંઘી લોકો વિક્ષેપની રાજનીતિ ક્યારે બંધ કરશે? મોદીએ જે રીતે ડૉ. સાહેબને યમુનાના કિનારે અગ્નિસંસ્કારની જગ્યા આપવાનો ઇનકાર કર્યો અને તેમના મંત્રીઓએ ડૉ. સાહેબના પરિવારને બાજુમાં મૂકી દીધો એ શરમજનક છે. જો રાહુલ અંગત પ્રવાસ પર હોય તો તમને શું સમસ્યા છે? નવા વર્ષમાં બધું સારું થઈ જશે. પવન ખેડાએ કહ્યું- પરિવારની ગોપનીયતા માટે અસ્થિ વિસર્જન માટે નહોતા ગયા રવિવારે અમિત માલવિયાએ આરોપ લગાવ્યો હતો કે કોંગ્રેસ કે ગાંધી પરિવારના કોઈ નેતાએ ડૉ. મનમોહન સિંહનાં અસ્થિ વિસર્જનમાં હાજરી આપી નહોતી. આ અંગે પવન ખેડાએ કહ્યું- પરિવારની ગોપનીયતાને ધ્યાનમાં રાખીને કોંગ્રેસ પાર્ટીના કોઈપણ નેતાએ અસ્થિ વિસર્જનમાં ભાગ લીધો નહોતો. અમે ડૉ. મનમોહન સિંહના પરિવાર સાથે ચર્ચા કરી હતી. અંતિમસંસ્કાર વખતે પરિવારને કોઈ ગોપનીયતા મળી ન હતી. કેટલાક પરિવારના સભ્યો અંતિમસંસ્કાર સુધી પણ પહોંચી શક્યા નહોતા. અસ્થિ નિમજ્જન એ ભાવનાત્મક રીતે મુશ્કેલ સમય છે, તેથી અમે પરિવારની ગોપનીયતાની કાળજી લીધી. 26/11નો હુમલો થયો ત્યારે પણ...
આમ તો રાહુલ ગાંધી અને પાર્ટી, ફોરેન ટૂરિઝમ એક સામાન્ય વાત બની ગઈ છે. 26/11નો હુમલો થયો ત્યારે પણ રાહુલ ગાંધી કેવી રીતે પાર્ટી કરી રહ્યા હતા એ સમાચાર અખબારોમાં પ્રકાશિત થયા હતા. આજે પણ તેમને ભારતના પૂર્વ પીએમના સન્માનની ચિંતા નથી. માત્ર રાજનીતિ કરે છે, જ્યારે કેમેરામેન કે ફોટોગ્રાફર નહોતા. એ પછી ડૉ. મનમોહન સિંહનાં અસ્થિ એકત્ર કરતી વખતે રાહુલ ગાંધી કે તેમના પરિવારમાંથી કોઈએ એમાં ભાગ લીધો ન હતો. આ સમયે ભાજપના લોકો હાજર હતા, જ્યારે કોંગ્રેસમાંથી કોઈ નહોતું. મનમોહન સિંહના અંતિમસંસ્કાર-સ્મારક વિવાદ સાથે જોડાયેલા આ સમાચાર પણ વાંચો... કોંગ્રેસે કહ્યું- મનમોહન સિંહને બંદૂકની સલામી વખતે મોદી બેઠા હતા પૂર્વ વડાપ્રધાન ડૉ.મનમોહન સિંહના સ્મારક વિવાદ બાદ હવે કોંગ્રેસે તેમના અંતિમસંસ્કારની વ્યવસ્થાને લઈને તેમના પર નિશાન સાધ્યું છે. કોંગ્રેસના નેતા પવન ખેડાએ જણાવ્યું હતું કે ડો. મનમોહન સિંહના રાજ્યકક્ષાના અંતિમસંસ્કારમાં સરકાર તરફથી અરાજકતા અને અનાદર જોઈને તેઓ આશ્ચર્યચકિત થયા હતા. ખેડાએ 9 મુદ્દામાં અંતિમસંસ્કાર સંબંધિત વાંધો નોંધાવ્યો હતો. બીજેપી આઈટી સેલના વડા અમિત માલવિયાએ રવિવારે આરોપ લગાવ્યો કે ડૉ. મનમોહન સિંહના અસ્થિ વિસર્જનમાં કોંગ્રેસના કોઈ નેતાએ હાજરી આપી ન હતી. તેમણે પવન ખેડાના તમામ પ્રશ્નોના જવાબ આપ્યા હતા. એક પ્રોફેસર, જેઓ પહેલા બ્યૂરોક્રેસી, પછી રાજકારણમાં આવ્યા દેશના 14મા વડાપ્રધાન ડૉ.મનમોહન સિંહનું 26 ડિસેમ્બર, ગુરુવારે 92 વર્ષની વયે અવસાન થયું. એક પ્રોફેસર, જેમણે પહેલા બ્યૂરોક્રેસી અને પછી રાજકારણમાં પ્રવેશ કર્યો. મનમોહન સિંહની અમલદારશાહી કારકિર્દી ત્યારે શરૂ થઈ જ્યારે લલિત નારાયણ મિશ્રાએ તેમને વાણિજ્ય મંત્રાલયમાં સલાહકાર તરીકે નોકરી આપી. સંપૂર્ણ સમાચાર વાંચો...

આ પ્રકારના તમામ સમાચાર માટેે App ડાઉનલોડ કરો.