રાધા-રાણી વિવાદ- પં. પ્રદિપ મિશ્રાએ નાક ઘસીને માફી માંગી:અચાનક બરસાના પહોંચ્યા; કૃષ્ણને બદલે બીજા કોઇને રાધાના પતિ કહ્યા હતા

કથાકાર પંડિત પ્રદિપ મિશ્રાએ રાધા-રાણીના જન્મ અને લગ્ન સાથે જોડાયેલા તેમના નિવેદન માટે માફી માંગી લીધી. તેઓ શનિવારે બપોરે બરસાના પહોંચ્યા હતા. રાધા રાણી મંદિરમાં નાક ઘસીને માફી માંગી. દંડવ્રત પ્રણામ કર્યા. આ પછી મંદિરની બહાર આવ્યા. હાથ જોડીને બ્રજવાસીઓને નમસ્કાર કર્યા. ભાસ્કર સાથે વાત કરતાં તેમણે કહ્યું, 'બ્રજના લોકો પ્રત્યેના પ્રેમને કારણે હું અહીં આવ્યો છું. લાડલીજીએ જ મને ઈશારાથી અહીં બોલાવ્યો. જો મારા શબ્દોથી કોઈને દુઃખ થયું હોય તો હું તેના માટે માફી માંગુ છું. તેમણે કહ્યું, 'હું બ્રજના લોકોના ચરણોમાં દંડવ્રત માફી માંગું છું. હું લાડલી જી અને બરસાના સરકારની માફી માંગુ છું. દરેકને વિનંતી છે કે કોઈના માટે કોઇ અપશબ્દો ન કહો. રાધે-રાધે કહો, મહાદેવ કહો. હું તમામ મહંતો, ધર્માચાર્યો અને આચાર્યોની માફી માંગુ છું. પંડિત પ્રદીપ મિશ્રાએ 9 જૂને કહ્યું હતું - રાધાજી બરસાનાના નહીં, પરંતુ રાવલના હતા
પંડિત પ્રદીપ મિશ્રાએ 9 જૂને ઓમકારેશ્વરમાં વિવાદિત નિવેદન આપ્યું હતું. કથાના પહેલા દિવસે પ્રવચન દરમિયાન તેમણે કહ્યું હતું કે, 'ભગવાન કૃષ્ણની 108 પટરાણીઓ અને 1600 રાણીઓમાં રાધા-રાણીનું નામ નથી. રાધાના પતિનું નામ અનય ઘોષ, સાસુનું નામ જતીલા અને ભાભીનું નામ કુટીલા હતું. રાધાજીના લગ્ન છાત્રામાં થયા હતા. તેમણે કહ્યું હતું કે, 'રાધાજી બરસાનાના નહીં પરંતુ રાવલના હતા. રાધાજીના પિતાનો બરસાનામાં દરબાર હતો, જ્યાં તે વર્ષમાં એક વાર આવતી હતી. પંડિત પ્રદીપ મિશ્રાનું આ ઉપદેશ વાયરલ થતાં સંત, બ્રજધામમાં લોકોએ વિરોધ કર્યો હતો. સૌથી કઠોર ટિપ્પણી પ્રેમાનંદ મહારાજ તરફથી આવી છે. તેમણે કહ્યું, 'તમે લાડલીજી વિશે શું જાણો છો? જો તમે કોઈ સંતની ચરણ રજ માથે ચઢાવી હોત તો તમારા મોઢામાંથી આવા શબ્દો ક્યારેય ન નીકળ્યા હોત. શ્રીજી વિશે કહેનારનું આવું જ થશે- બ્રજ તીર્થ દેવાલય ટ્રસ્ટના જનરલ સેક્રેટરી બ્રજ તીર્થ દેવાલય ટ્રસ્ટના જનરલ સેક્રેટરી આરકે પાંડેએ કહ્યું – અમારા શ્રીજી વિશે કહેનારું આવું જ થશે. અમારી માગ હતી કે પ્રદીપ મિશ્રા અમારી રાધા રાણીની માફી માંગે. આજે તેમણે નાક ઘસીને અને કાન પકડીને માફી માંગી લીધી. તેમણે રાધાજીની માફી માંગી છે. આજે અમે બધા બ્રજવાસીઓ ખૂબ જ ખુશ છીએ. રાધા-રાણી મંદિરના રીસીવરે કહ્યું- હવે અમને પ્રદીપ મિશ્રા સામે કોઈ ફરિયાદ નથી રાધા-રાણી મંદિરના રીસીવર પ્રવીણ ગોસ્વામીએ કહ્યું- પ્રદીપ મિશ્રા રાધા-રાની મંદિર પહોંચ્યા. અમે બધા બ્રજવાસીઓએ પ્રેમ દર્શાવીને તેમને કશું કહ્યું નહીં. પ્રદીપ મિશ્રાએ નાક ઘસીને માફી માંગી લીધી. માફી માગતાની સાથે જ આખું બરસાના રાધા રાણીના નાદથી ગૂંજી ઉઠ્યું હતું. અમારી સરકાર શ્રી રાણી-પટરાણી વિશે કોઈ કેવી રીતે ખોટું બોલી શકે. હવે અમને પ્રદીપ મિશ્રા સામે કોઈ ફરિયાદ નથી. પં. પ્રદિપ મિશ્રાએ કહ્યું- લાડલી જી અને બરસાના સરકારની માફી માંગુ છું
જો મારા શબ્દોથી કોઈને દુઃખ થયું હોય તો હું તેના માટે માફી માંગુ છું. હું બ્રજવાસીઓના ચરણોમાં દંડવ્રત કરીને માફી માંગું છું. હું લાડલી જી અને બરસાના સરકારની માફી માંગુ છું. દરેકને વિનંતી છે કે કોઈના માટે અપશબ્દોનો ઉપયોગ ન કરો. રાધે-રાધે કહો, મહાદેવ કહો. હું તમામ મહંતો, ધર્માચાર્યો અને આચાર્યોની માફી માંગુ છું. પંડિત પ્રદીપ મિશ્રાએ રાધા રાણીની માફી માંગી ભાસ્કરને કહ્યું-​​​​​​​ બ્રિજવાસીઓના પ્રેમને કારણે આવ્યો છું
પંડિત પ્રદિપ મિશ્રાએ કહ્યું- હું અહીં બ્રજવાસીઓના પ્રેમને કારણે આવ્યો છું. લાડલીજીએ જ મને ઈશારાથી અહીં બોલાવ્યો છે. પ્રેમાનંદજીએ 10 જૂને કહ્યું હતું - તમને શરમ આવવી જોઈએ પ્રેમાનંદજી મહારાજે 10 જૂને પ્રદિપ મિશ્રાને જવાબ આપ્યો હતો. કહ્યું હતું, 'તમે લાડલીજી વિશે શું જાણો છો? જો તમે કોઈ સંતની ચરણ રજ માથે ચઢાવી હોત તો તમારા મોઢામાંથી આવા શબ્દો ક્યારેય ન નીકળ્યા હોત. તેમણે કહ્યું હતું કે, 'વેદ કહે છે તેમ રાધા અને શ્રી કૃષ્ણ અલગ નથી. તમને તો શરમ આવવી જોઇએ. જેની કીર્તિ ગાવાથી જીવો છો, જેની કીર્તિ ખાઓ છો, જેની પ્રસિદ્ધિ ગાવાથી તમને વંદન અને પ્રણામ મળે છે તેની ગરિમા તમે જાણતા નથી. પ્રેમાનંદજીએ કહ્યું હતું, 'તે શ્રીજીની અવહેલનાની વાત કરે છે. કહે છે કે તે આ બરસાનામાં નથી. હજુ સંતોથી સામનો નથી થયો. ચાર લોકોને ભેગા કરીને ચરણોની પૂજા કરાવે છે એટલે પોતાને મહાન ભાગવતાચાર્ય સમજે છે. રહી વાત શ્રીજી બરસાનાના છે કે નહિ, તો તમે કેટલા ગ્રંથોનું અધ્યયન કર્યું છે? ચાર શ્લોક શું વાંચી લીધા, ભાગવત પ્રવક્તા બની ગયા. તમે નરકમાં જશો, હું વૃંદાવનની ભૂમિમાંથી આ ગર્જના કરી રહ્યો છું.

આ પ્રકારના તમામ સમાચાર માટેે App ડાઉનલોડ કરો.