ગ્રીનલેન્ડ ચોકડી પાસે ચાલતી મીની કલબમાં દરોડો: પાંચ જુગારી ઝડપાયા

ગ્રીનલેન્ડ ચોકડી પાસે મકાનમાં ચાલતી જુગારની મીની કલબમાં પોલીસે દરોડો પાડી પાંચ શખ્સોને રૂ।.26 હજારની રોકડ સાથે દબોચ્યા હતાં.દરોડાની વિગત અનુસાર, બી. ડિવિઝન પોલીસ મથકના પીઆઇ આર.જી.બારોટના માર્ગદર્શન હેઠળ પીએસઆઇ એમ.આઇ.શેખ ટીમ સાથે પેટ્રોલિંગમાં હતાં ત્યારે સાથેના હેડ કોન્સ્ટેબલ એમ. એમ.મલેક, કે.કે.નિકોલા અને કોન્સ્ટેબલ હેમેન્દ્રભાઈને મળેલ ચોક્કસ બાતમીના આધારે ગ્રીનલેન્ડ ચોકડી પાસે મણિનગર સોસાયટી શેરી નં.1 માં રહેતાં શૈલેષ ગોવિંદ રામાણીના મકાનમાં બંધબારણે ચાલતી જુગાર કલબમાં દરોડો પાડી પતા ટીંચતા શૈલેષ રામાણી, મુકેશ વાલજી ગઢિયા, રસીક ધીરૂ સોજીત્રા, અરવિંદ ઘોઘા પાનસૂરિયા, સંજય વાલજી ગાઢિયા અને અરવિંદ રામજી રાણપરિયા (રહે. તમામ ગ્રીનલેન્ડ ચોકડી પાસે) ને દબોચી રૂ।.26 હજારની રોકડ કબ્જે કરી કાર્યવાહી કરી હતી.

આ પ્રકારના તમામ સમાચાર માટેે App ડાઉનલોડ કરો.