મોટરસાઇકલ ચોરી કરનાર આરોપી ઝડપાયો
મોટરસાઇકલ ચોરી કરનાર આરોપી ઝડપાયો
જામનગર
જામનગર એલસીબીએ એક વર્ષ પહેલા થયેલી મોટરસાઇકલ ચોરીના ગુનાનો ભેદ ઉકેલી આરોપીને ઝડપી પાડ્યો છે. મળતી માહિતી મુજબ, જામનગર જિલ્લા પોલીસ વડા પ્રેમસુખ ડેલૂના માર્ગદર્શન હેઠળ એલસીબીએ અનડિટેક્ટેડ ગુનાઓ શોધવા માટે અભિયાન હાથ ધર્યું હતું. આ દરમિયાન, એલસીબીના પોલીસ ઇન્સ્પેક્ટર વી.એમ. લગારીયા અને ઇન્ચાર્જ પોલીસ ઇન્સ્પેક્ટર બી.એન. ચૌધરીના માર્ગદર્શન હેઠળ પોલીસ સબ ઇન્સ્પેક્ટર પી.એન. મોરી અને તેમની ટીમે જામનગર શહેરમાં પેટ્રોલિંગ દરમિયાન ખાનગી બાતમીના આધારે બાવરી વાસ ખુલ્લા ફાટક પાસેથી રાજુભાઇ ઉર્ફે રાજા બળવંતભાઇ કોળીને ચોરાયેલી હોન્ડા મોટરસાઇકલ સાથે ઝડપી પાડ્યો હતો. આરોપી વિરુદ્ધ જામનગર સિટી સી ડીવી પોલીસ સ્ટેશનમાં ગુનો નોંધવામાં આવ્યો છે. આ કામગીરીમાં એલસીબી સ્ટાફના હરપાલસિંહ સોઢા, ભરતભાઇ પટેલ, વનરાજભાઇ મકવાણા સહિતના કર્મચારીઓ જોડાયા હતા
8000003352
આ પ્રકારના તમામ સમાચાર માટેે
App ડાઉનલોડ કરો.