હુડકો પાસેથી ચોરાઉ બાઈક સાથે મિલન બાલસ ઝડપાયો

હુડકો ફાયર સ્ટેશન પાસેથી ચોરીના બાઈક સાથે નામચીન મિલન બાલસને પોલીસે દબોચી રૂા.25 હજારનો મુદ્દામાલ કબ્જે કર્યો હતો. પ્રાપ્ત વિગત અનુસાર, ભકિતનગર પોલીસ મથકના પીએસઆઈ હરદેવસિંહ રાયજાદા ટીમ સાથે પેટ્રોલીંગમાં હતા ત્યારે સાથેના હેડ કોન્સ્ટેબલ દિલીપભાઈ બોરીચા, કોન્સ્ટેબલ વિશલભાઈ અને પુષ્પરાજસિંહને મળેલ ચોકકસ બાતમીના આધારે કોઠારીયા મેઈન રોડ પરના હુડકો ફાયર સ્ટેશન પાસેથી ચોરાઉ બાઈક સાથે નામચીન મિલન દિનેશ બાલસ (ઉ.20) (રહે. રણુજા મંદિર પાસે હાઉસીંગ બોર્ડના મકાનમાં)ને દબોચી રૂા.25 હજારની બાઈક કબ્જે કરી હતી. તેમજ વધુ ચોરીના ભેદ ઉકેલવા પૂછપરછ હાથ ધરી હતી. ઉલ્લેખનીય છે કે આરોપી મિલન બાલસ પર જુનાગઢ, પોરબંદર, રાજકોટ સહીતના અલગ અલગ પોલીસ મથકમાં સાત જેટલા ગુના નોંધાયેલ છે. તેમજ તેને ચાર માસ પહેલા જુનાગઢ બસ સ્ટેન્ડ પાસેથી બાઈક ચોરી શીલ રહેતા મુસ્તુફા નામના શખ્સને વ્હેંચી માર્યાની કબુલાત આપી હતી.

આ પ્રકારના તમામ સમાચાર માટેે App ડાઉનલોડ કરો.