પીઢ ગાંધીવાદી શ્રી દેવેન્દ્રભાઈ દેસાઈને શ્રદ્ધાંજલિ પાઠવતા પૂર્વ કેન્દ્રીય મંત્રી ડો. વલ્લભભાઈ કથીરિયા
પીઢ ગાંધીવાદી શ્રી દેવેન્દ્રભાઈ દેસાઈને શ્રદ્ધાંજલિ પાઠવતા પૂર્વ કેન્દ્રીય મંત્રી ડો. વલ્લભભાઈ કથીરિયા
રાજકોટ પીઢ ગાંધીવાદી સર્વોદય નેતા શ્રી દેવેન્દ્રભાઈ દેસાઈના નિધન થી શોકની લાગણી અનુભવતા ભારત સરકારના પૂર્વ મંત્રી ડો.વલ્લભભાઈ કથીરિયાએ શ્રદ્ધાંજલી અર્પતા જણાવ્યું હતું કે, દેવેન્દ્ર દેસાઈ ગુજરાતના રાજકોટમાં અનેક સહકારી સંસ્થાઓના સ્થાપક સભ્ય હતા અને ખાદી અને ગ્રામોદ્યોગ આયોગ (KVIC) ના અધ્યક્ષ તરીકે ઉત્તમ સેવા આપી ચુક્યા છે. દેવેન્દ્રભાઈ દેસાઈ આઝાદી કાળથી જનસેવા માં સક્રિય રહ્યા. રાજકોટ જિલ્લા પંચાયતમાં પાંચ વખત ચૂંટાયા, શરૂઆતમાં પંચાયતની વિવિધ સમિતિઓમાં સેવા આપી અને પછી તેના પ્રમુખ તરીકે ચૂંટાયા. તેઓ ગાંધીવાદી ઢેબરભાઈ, સૌરાષ્ટ્ર રાજ્યના પૂર્વ મુખ્ય પ્રધાન બળવંતભાઈ મહેતા, રતુભાઈ અદાણી, વજુભાઈ શાહ, માર્કંડભાઈ દેસાઈ વગેરેના નજીકના સાથી હતા.તેઓ નરેન્દ્રદાસ ગાંધી, ઢેબરભાઈ, અને નાનાભાઈ ભટ્ટ વગેરે દ્વારા 1948 માં સ્થપાયેલી રચનાત્મક પ્રવૃત્તિઓના સંકલન અને પ્રોત્સાહન માં સક્રિય યોગદાન આપ્યું. દેવેન્દ્રભાઈ સહકારી ક્ષેત્રમાં પણ સક્રિય બન્યા હતા અને રાજકોટ જિલ્લા સહકારી દૂધ ઉત્પાદક સંઘ લિમિટેડના સ્થાપક - ચેરમેન હતા. તેમણે રાજકોટ જિલ્લા સહકારી બેંકના વાઇસ ચેરમેન તરીકે પણ સેવા આપી હતી.
આવા સહકારી ક્ષેત્રના રચનાત્મક ગાંધીવાદી કાર્યકર શ્રી દેવેન્દ્રભાઈ દેસાઈને હૃદય થી શ્રદ્ધાંજલિ.
રિપોર્ટ નટવરલાલ ભાતિયા
આ પ્રકારના તમામ સમાચાર માટેે
App ડાઉનલોડ કરો.