ધરમની માનેલ બહેન સાથે સબંધ રાખવા મામલે તેના પૂર્વ પતિનો યુવક પર હુમલા
કોઠારીયા રોડ પર સ્વાતિપાર્કમાં ધરમની માનેલ બહેન સાથે સબંધ રાખવા મામલે તેના પૂર્વ પતિ સહિતના શખ્સોએ યુવક પર હુમલો કરતાં આજીડેમ પોલીસ મથકે ફરીયાદ નોંધાઈ હતી.
બનાવ અંગે કોઠારીયા રોડ પર સ્વાતિપાર્કમાં રહેતાં આશિષભાઇ કિશોરભાઇ મેસવાણીયા (ઉ.વ.23) એ નોંધાવેલ ફરિયાદમાં આરોપી તરીકે પ્રતીક ટોપિયા, હાર્દિક ઉર્ફે તોતો પટેલ, મિરાત પટેલ અને જીગ્નેશ વાટલીયાનું નામ આપી જણાવ્યું હતું કે, તેઓ વુલ્ફ ડીઝાઇન સ્ટોરમાં નોકરી કરે છે.
ગઇકાલે રાત્રીના તેઓ ઘરે હતાં ત્યારે તેમના ધરમના માનેલ બહેન ક્રિષ્ના ગોંડલીયાના પતિ પ્રતીક ટોપિયા તથા તેની સાથે ત્રણ શખ્સો ઘરે ઘસી આવેલ અને તેમના નાના ભાઈ સુજલનુ નામ લઈ ઘરની બહાર બોલાવેલ અને પ્રતીકે કહેલ કે, તુ હવે ક્રીષ્ના સાથે કામ કરતો નહી અને તેની સાથે કોઇ વ્યવહાર રાખતો કહીં સુજલને ગાળો બોલવા લાગેલ હતો. દરમિયાન સુજલે તેમને કહેલ કે, મેં તેમને બહેન માનેલ છે અને મારે તેમના પરીવાર સાથે પહેલેથી જ સબંધ છે કહેતા પ્રતીક તથા તેની સાથેના શખ્સોએ સુજલને ઢીકાપાટુ મારવા લાગેલ હતાં.
દરમિયાન દેકારો થતા પરિવારજનો દોડીને આવેલ અને સુજલને છોડાવેલ ત્યારે હુમલો કરવાં આવેલ શખ્સોએ કહેલ કે, જો તમો કોઇએ ક્રીષ્ના ગોંડલીયા સાથે કોઇ પણ પ્રકારનો સબંધ રાખશો તો તમો બધાને જાનથી મારી નાખીશું તેમ કહી નાસી છૂટ્યા હતાં. વધુમાં ફરિયાદીએ જણાવ્યું કે, પ્રતીક ટોપીયાનુ મારા ધરમના બહેન ક્રીષ્નાબહેન સાથે છુટાછેડા થઈ ગયેલ હોય જેની સાથે અમારે સારા સબંધ હોય જેના કારણે શખ્સોએ ગાળો આપી હુમલો કર્યો હતો. બનાવ અંગેની ફરીયાદ પરથી આજીડેમ પોલીસે ગુનો નોંધી હુમલો કરનાર શખ્સોની શોધખોળ હાથ ધરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.