બોટાદ માં ખોડલધામ ના ચેરમેન શ્રી નરેશભાઇ નું ઉમળકાભેર સ્વાગત કરાયું*

*બોટાદ માં ખોડલધામ ના ચેરમેન શ્રી નરેશભાઇ નું ઉમળકાભેર સ્વાગત કરાયું*

*કેન્સર હોસ્પિટલ ના ભૂમિ પૂજન માટે આમંત્રણ અને ભૂમિદાન અંગે સૌને જાણકારી અપાઈ*

શ્રી ખોડલધામ ટ્રસ્ટ-કાગવડ દ્વારા સર્વે સમાજના સેવાર્થે નિર્માણ પામનાર શ્રી ખોડલધામ કેન્સર હોસ્પિટલના ભૂમિદાન માટે સંકલ્પબદ્ધ કરવાના શુભ આશય સાથે શ્રી નરેશભાઈ પટેલ હાલ ગુજરાતભરનો પ્રવાસ કરી રહ્યા છે. શ્રી નરેશભાઈ પટેલે પ્રવાસના પાંચ માં દિવસે બોટાદ જિલ્લા નો પ્રવાસ કર્યો હતો. બોટાદ ખાતે શ્રી નરેશભાઈ પટેલની ઉપસ્થિતિમાં બેઠકનું આયોજન કરાયું હતું. જ્યાં મોટી સંખ્યામાં લોકો ઉપસ્થિત રહ્યા હતા. કાર્યક્રમ નો શુભારંભ દીપ પ્રગટાવી માં ખોડલ ની આરતી થી કરવામાં આવેલ.સ્વાગત પ્રવચન સી.એલ.ભીકડીયા એ કરેલ. ઉપસ્થિત વિવિધ સમિતિ,સંસ્થાઓ એ શ્રી નરેશભાઈ પટેલનું હારતોરા થી સ્વાગત-સન્માન કર્યું હતું. આ તકે શ્રી નરેશભાઈ પટેલે હાજર સૌ કોઈને શ્રી ખોડલધામ ટ્રસ્ટ-કાગવડ દ્વારા નિર્માણ પામનાર કેન્સર હોસ્પિટલની આછી રૂપરેખા આપી સૌને હોસ્પિટલના ભૂમિદાન અભિયાનમાં વધુ ને વધુ સહભાગી બનવા અપીલ કરી હતી. જેને ઉપસ્થિત સૌ લોકોએ ઉમળકાભેર વધાવી લીધી હતી.
આ સાથે નરેશભાઇ પટેલ દ્વારા બોટાદ જિલ્લા /તાલુકા કન્વીનરશ્રીઓ ની નવી નિમણુંક કરી ખેસ પહેરાવી આવકારેલ.
આ પ્રસંગે ખોડલધામ ના ટ્રસ્ટીઓ , પટેલ સમાજના જિલ્લા અગ્રણીઓ ,સામાજિક સંસ્થા ના આગેવાનો , ગુજરાત મહિલા ખોડલધામ સમિતિ ની અગ્રણી બહેનો ઉપસ્થિત રહેલ.આભાર વિધિ જગદીશ ભાઈ સવાણી એ તથા કાર્યક્રમ નું સંચાલન જીતુભાઇ કળથીયા એ કરેલ અને રાષ્ટ્રગીત નું સમૂહમાં ગાન કરી અલ્પાહાર સાથે કાર્યક્રમ પૂર્ણ જાહેર કરેલ.

આ પ્રકારના તમામ સમાચાર માટેે App ડાઉનલોડ કરો.