‘બિગ બોસ 18’ની તૈયારીઓ શરૂ:વિજેતા દીપિકા કક્કરનો પતિ શોએબ પ્રથમ કન્ફર્મ સ્પર્ધક, સલમાન ખાન આ શોને કરશે હોસ્ટ

ટેલિવિઝનનો લોકપ્રિય રિયાલિટી શો 'બિગ બોસ' તેની 18મી સીઝન સાથે ટૂંક સમયમાં ફરીથી ધૂમ મચાવશે. સલમાન ખાનનું હોસ્ટિંગ શોનો એક અગત્યનો ભાગ છે, જોકે છેલ્લા ઘણા દિવસોથી એવા અહેવાલો આવી રહ્યા હતા કે સલમાન સુરક્ષાના કારણોસર 'બિગ બોસ 18'ને હોસ્ટ કરશે નહીં. હવે જો લેટેસ્ટ રિપોર્ટ્સનું માનીએ તો સલમાન આ શોને હોસ્ટ કરશે. આ સાથે શોની પ્રીમિયર તારીખ અને સ્પર્ધકોના નામ સતત બહાર આવી રહ્યા છે. બિગ બોસના સમાચાર મુજબ, 'બિગ બોસ 18'નું પ્રીમિયર 5 ઓક્ટોબર, શનિવારે થવા જઈ રહ્યું છે. હાલમાં, 'બિગ બોસ OTT સીઝન 3' Jio સિનેમા પર સ્ટ્રીમ થઈ રહી છે. શોની ફિનાલે 4 ઓગસ્ટે થવા જઈ રહી છે. આ પછી તરત જ 'બિગ બોસ 18'ની તૈયારીઓ શરૂ થઈ જશે. સેટને ફરીથી ડિઝાઇન કરવામાં આવશે, જેમાં 'બિગ બોસ 18'ના તમામ સ્પર્ધકો પહોંચશે. આ' બિગ બોસ 18'ના પહેલા કન્ફર્મ થયેલા સ્પર્ધકો છે
વર્ષ 2018 માં 'બિગ બોસ 12' ની વિજેતા 'સસુરાલ સિમર કા' ફેમ એક્ટ્રેસ દીપિકા કક્કરના પતિ શોએબ ઈબ્રાહિમ આ સિઝનમાં સ્પર્ધક તરીકે આવવા જઈ રહ્યા છે. શોએબ ઈબ્રાહિમ ટેલિવિઝન ઈન્ડસ્ટ્રીનું જાણીતું નામ છે. તે 'વો રેહના હૈ તેરી પલક કી છાઓ મેં' અને 'સસુરાલ સિમર કા' જેવા શોનો ભાગ રહી ચૂક્યો છે. એક્ટર 'નચ બલિયે 8' નો ભાગ પણ રહી ચૂક્યો છે. આ વર્ષે સેલિબ્રિટી ડાન્સ રિયાલિટી શો 'ઝલક દિખલા જા 11'માં બીજું સ્થાન મેળવ્યું હતું. સલમાન ખાન 'બિગ બોસ 18' હોસ્ટ કરશે
એપ્રિલમાં સલમાન ખાનના ગેલેક્સી એપાર્ટમેન્ટમાં ગોળીઓ ચલાવવામાં આવી હતી. જે બાદ એક્ટરની સુરક્ષા વધારી દેવામાં આવી છે. સલમાને બિગ બોસ ઓટીટીની બીજી સીઝન હોસ્ટ કરી હતી, જોકે, સુરક્ષાને કારણે તેણે 'બિગ બોસ ઓટીટી 3' હોસ્ટ કર્યો નથી. અનિલ કપૂરે 'બિગ બોસ OTT 3'માં સલમાનની જગ્યા લીધી છે. જો કે, હવે સલમાન ખાન 'બિગ બોસ 18' ના હોસ્ટ હશે. રિયાલિટી શો બિગ બોસની છેલ્લી સિઝન ઘણી સફળ રહી હતી. આ શોમાં મુનાવર ફારૂકી, અંકિતા લોખંડે, વિકી જૈન, મનારા ચોપરા જેવા ઘણા મોટા ચહેરા હતા. શોની ટ્રોફી મુનાવર ફારુકીએ જીતી હતી, જ્યારે અભિષેક કુમારે બીજું સ્થાન મેળવ્યું હતું. આ સિઝનમાં મેકર્સ કયા મોટા ચહેરાઓને લાવશે તે જોવું રહ્યું.

આ પ્રકારના તમામ સમાચાર માટેે App ડાઉનલોડ કરો.