જ્હાન્વીએ ચાહકોને સરપ્રાઈઝ આપી:ઇન્સ્ટાગ્રામ સ્ટોરી પોસ્ટ કરી લખ્યું,- ‘મારી પાસે એક રહસ્ય છે જેને તમારી સાથે શેર કરવા ઉત્સાહિત છું’

જહાન્વી કપૂર અવારનવાર પોતાના બોલ્ડ અંદાજથી ચાહકોનું દિલ જીતી રહી છે. તાજેતરમાં જ જ્હાન્વી કપૂર તેની ડ્રેસિંગ સેન્સને કારણે પણ ચર્ચામાં રહી હતી. ટૂંક સમયમાં જ તેની ફિલ્મ 'ઉલઝ' સિનેમાઘરોમાં રિલીઝ થવા જઈ રહી છે, જેના ટ્રેલર લૉન્ચ ઈવેન્ટમાં જહાન્વી કપૂરે એક મહિલાપત્રકારને એવો જવાબ આપ્યો કે તે અવાક્ થઈ ગઈ. જ્હાન્વી કપૂરે તાજેતરમાં 'ઉલઝ'ના ટ્રેલર પ્રિવ્યૂમાં એકદમ નવા અવતારમાં આવીને સૌનું ધ્યાન ખેંચ્યું હતું. વાસ્તવમાં, ફિલ્મનો ટ્રેલર પ્રિવ્યૂ મુંબઈમાં યોજવામાં આવ્યો હતો જેમાં આખી સ્ટાર કાસ્ટે ભાગ લીધો હતો. આ ઈવેન્ટમાં જ્હાન્વી કપૂરે ખાસ પ્રકારનો બોડીકોન ડ્રેસ પહેર્યો હતો જેણે બધાને પ્રભાવિત કર્યા હતા. જ્યારે જહાન્વીને લગ્ન વિશે સવાલ પૂછાયો
અગાઉ જ્હાન્વીએ અનંત અને રાધિકાના લગ્નના ફંક્શનમાં બોયફ્રેન્ડ શિખર પહાડિયા સાથે હાજરી આપીને બધાને ચોંકાવી દીધા હતા. વાસ્તવમાં, કપલે હજી સુધી સત્તાવાર રીતે કંઈપણ જાહેર કર્યું નથી પરંતુ બંને ઘણીવાર સાથે જોવા મળે છે. આ સિવાય તે શિખરના નામનું પેન્ડન્ટ પણ પહેરે છે. હાલમાં જ જ્યારે જહાન્વીને એક ઈવેન્ટમાં લગ્ન વિશે સવાલ પૂછવામાં આવ્યો ત્યારે જાણો તેણે શું કહ્યું. જ્હાન્વીએ ચાહકોને સરપ્રાઈઝ આપી
ખરેખર, જહાન્વીએ એક ઇન્સ્ટાગ્રામ સ્ટોરી પોસ્ટ કરી હતી જેમાં તેણે લખ્યું હતું કે,- મારી પાસે એક રહસ્ય છે જે હું તમારી સાથે શેર કરવા માટે ઉત્સાહિત છું.- ચાહકોએ અલગ-અલગ અનુમાનો લગાવવાનું શરૂ કર્યું પરંતુ પછી ખબર પડી કે આ પોસ્ટ તેની આગામી ફિલ્મ 'ઉલઝ'ના ટ્રેલર રિલીઝ વિશે છે, જેની જાહેરાત જહાન્વીએ આ રીતે શેર કરી હતી. જ્યારે અભિનેત્રી ટ્રેલર લૉન્ચ ઈવેન્ટમાં પહોંચી ત્યારે એક રિપોર્ટેરે જ્હાન્વીને એવો સવાલ પૂછ્યો કે, તેનો જવાબ જાણીને તમને આશ્ચર્ય થશે. રિપોર્ટરે જ્હાન્વીને પૂછ્યું કે 'લગ્નના કોઈ સમાચાર છે?' આના પર જ્હાન્વીએ તરત જ કહ્યું, 'તું પાગલ થઈ ગઈ છે?' આના પર પત્રકારે ફરીથી પૂછ્યું કે તમારું રહસ્ય શું છે? જ્હાન્વીએ કહ્યું કે 'કાલે ખબર પડશે.' ફિલ્મ ક્યારે રિલીઝ થશે
'ઉલઝ'નું ટ્રેલર આજે એટલે કે 16મી જુલાઈએ રિલીઝ થશે. આ ફિલ્મ 2 ઓગસ્ટે સિનેમાઘરોમાં રિલીઝ થશે. આ સિવાય તે સૈફ અલી ખાન અને જુનિયર એનટીઆર સાથે ફિલ્મ 'દેવરા'માં પણ જોવા મળશે.

આ પ્રકારના તમામ સમાચાર માટેે App ડાઉનલોડ કરો.