ગોરવાની કંપનીમાં મધરાતે દારૂના નશામાં ઘૂસી ગયેલા શકમંદને પોલીસને હવાલે કરાયો

વડોદરા,તા.26 ઓગષ્ટ 2022,શુક્રવારવડોદરામાં દારૂના સતત કેશો કરવામાં આવી રહ્યા હોવા છતાં પણ હજી પીધેલાઓ પોલીસ માટે માથાનો દુખાવો બની રહ્યા છે.ગોરવા બીઆઇડીસી ની એક કંપનીમાં ગઈ મધરાતે આવી જ રીતે એક પીધેલાએ ઉત્પાત મચાવ્યો હતો અને પોલીસ તેમજ કંપનીના કર્મચારીઓને દોડતા કર્યા હતા.શહેર પોલીસ કંટ્રોલ રૂમને રાત્રે ત્રણ વાગ્યે ગોરવાની કંપનીમાંથી કોઈએ ફોન કરી એક ચોર ઘૂસી ગયો હોવાની જાણ કરતા તાત્કાલિક પોલીસને મોકલવામાં આવી હતી. થોડીવાર બાદ શક્મદ પકડાઈ ગયો હતો અને બહાર એક સ્કૂટર પણ મળી આવ્યું હતું.પોલીસની તપાસમાં પકડાયેલા શખ્સનું નામ સુરેન્દ્ર નારાયણભાઈ ચાવડા (રહે કોહિનૂર ફ્લોર મીલ પાસે, ગોરવા) હોવાનું ખુલ્યું હતું અને તે દારૂના નશામાં જણાઈ આવ્યો હતો. જેથી પોલીસે દારૂબંધીના ભંગ બદલ તેની અટકાયત કરી કાર્યવાહી કરી હતી.

આ પ્રકારના તમામ સમાચાર માટેે App ડાઉનલોડ કરો.