કોઠારીયા સોલવન્ટ પાસેથી કારમાંથી દારૂની 60 બોટલ ઝડપાઇ: કારચાલક ફરાર

કોઠારીયા સોલવન્ટ પાસેથી કારનો પીછો કરી આજીડેમ પોલીસે કારમાંથી વિદેશી દારૂની 60 બોટલ મળી રૂ.5.30 લાખનો મુદ્દામાલ કબ્જે કર્યો હતો. જ્યારે નાસી છૂટેલા કારચાલકની શોધખોળ હાથ ધરી હતી.દરોડાની વિગત મુજબ, આજીડેમ પોલીસ મથકના પીઆઇ એલ.એલ.ચાવડાની રાહબરીમાં પીએસઆઈ એ.જે.પરમાર ટીમ સાથે પેટ્રોલિંગમાં હતાં
ત્યારે સાથેના હેડ કોન્સ્ટેબલ ક્રુણાસિંહ ઝાલા અને કોન્સ્ટેબલ વીરેન્દ્રસિંહ જાડેજાને દારૂ ભરેલ એક કાર કોઠારીયા સોલવન્ટ ફાટક તરફથી કોઠારીયા સોલવન્ટ તરફ જતા મેઇન રોડ ઉપરથી પસાર થવાની છે તેવી ચોક્કસ બાતમીના આધારે કોઠારીયા સોલવન્ટ મેઇન રોડ ઉપર હુસેની ચોક નજીક સ્ટાફ વોચમાં હતાં
ત્યારે ત્યાંથી પસાર થયેલસ્વીફટ કાર નં.જીજે.03.એન.બી.4316 ના ચાલકે પોલીસ સ્ટાફને જોઈ કાર ભગાડી મુકેલ અને કોઠારીયા સોલવન્ટ રેલ્વે સ્ટેશન નજીક પોતાની કાર ઉભી રાખી ચાલક નાસી છૂટ્યો હતો.પોલીસ સ્ટાફે કારમાં તપાસ કરતાં તેમાંથી અલગ અલગ બ્રાન્ડની દારૂની 60 બોટલ મળી આવતાં દારૂ અને કાર મળી કુલ રૂ.5.30 લાખનો મુદ્દામાલ કબ્જે કરી નાસી છૂટેલા કારચાલકની શોધખોળ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.