કિસાન સન્માનનો 17મો હપ્તો આજે રિલીઝ થશે:PM મોદી 9.3 કરોડ ખેડૂતોના ખાતામાં 2,000 રૂપિયાના હપ્તા ટ્રાન્સફર કરશે

વડાપ્રધાન નરેન્દ્ર મોદી આજે એટલે કે 18 જૂને પીએમ કિસાન સન્માન નિધિનો 17મો હપ્તો જાહેર કરશે. પીએમ મોદી તેમના સંસદીય ક્ષેત્ર વારાણસીમાંથી દેશના 9.3 કરોડ ખેડૂતોને 2000 રૂપિયાના હપ્તાઓ ટ્રાન્સફર કરશે. જેમાં 20 હજાર કરોડ રૂપિયા ખેડૂતોના ખાતામાં ટ્રાન્સફર કરવામાં આવશે. અગાઉ 28 ફેબ્રુઆરીએ પીએમ કિસાન સન્માન નિધિ યોજનાનો 16મો હપ્તો બહાર પાડવામાં આવ્યો હતો. જેમાં 21 હજાર કરોડ રૂપિયાથી વધુ ખેડૂતોને ટ્રાન્સફર કરવામાં આવ્યા હતા. આ યોજના હેઠળ સરકાર દર વર્ષે 2 હજાર રૂપિયાના ત્રણ હપ્તામાં ખેડૂતોના ખાતામાં 6000 રૂપિયા ટ્રાન્સફર કરે છે. ખેડૂતોને દર વર્ષે 6 હજાર રૂપિયા મળે છે
આ યોજના હેઠળ ખેડૂતોને વર્ષમાં 2,000 રૂપિયાના ત્રણ હપ્તા આપવામાં આવે છે (કુલ 6,000 રૂપિયા). યોજના હેઠળ, પહેલો હપ્તો એપ્રિલ-જુલાઈની વચ્ચે, બીજો હપ્તો ઑગસ્ટ-નવેમ્બર વચ્ચે અને ત્રીજો હપ્તો ડિસેમ્બર-માર્ચ વચ્ચે આપવામાં આવે છે. આ યોજના 2019 માં ખેડૂતોને આર્થિક સહાય પૂરી પાડવા માટે શરૂ કરવામાં આવી હતી. યોજનાના પાત્ર લાભાર્થીઓ કોમન સર્વિસ સેન્ટર (CSC) દ્વારા પણ પોતાની નોંધણી કરાવી શકે છે. આ ઉપરાંત માત્ર સ્થાનિક પટવારી, મહેસૂલ અધિકારી અને રાજ્ય સરકાર દ્વારા આ યોજના માટે નામાંકિત નોડલ ઓફિસર ખેડૂતોની નોંધણી કરી રહ્યા છે. પીએમ કિસાન યોજના હેઠળ તમામ ખેડૂતોને લાભ મળે છે
શરૂઆતમાં જ્યારે PM-કિસાન યોજના શરૂ કરવામાં આવી હતી (ફેબ્રુઆરી, 2019), તેનો લાભ માત્ર નાના અને સીમાંત ખેડૂતોના પરિવારો માટે હતો. આમાં એવા ખેડૂતોનો સમાવેશ થાય છે જેમની પાસે 2 હેક્ટર સુધીની સંયુક્ત જમીન હતી. જૂન 2019માં, આ યોજનાને સુધારી અને તમામ ખેડૂત પરિવારો સુધી લંબાવવામાં આવી. જો કે, હજુ પણ કેટલાક ખેડૂતો આ યોજનાથી વંચિત છે. પીએમ કિસાનમાંથી બાકાત રાખવામાં આવેલા લોકો સંસ્થાકીય જમીન ધારકો, બંધારણીય હોદ્દા ધરાવતા ખેડૂત પરિવારો, રાજ્ય અથવા કેન્દ્ર સરકારના સેવા આપતા અથવા નિવૃત્ત અધિકારીઓ અને કર્મચારીઓ છે. તેમાં જાહેર ક્ષેત્રના ઉપક્રમો અને સરકારી સ્વાયત્ત સંસ્થાઓના અધિકારીઓ અને કર્મચારીઓનો પણ સમાવેશ થાય છે. આ સિવાય ડોકટરો, એન્જિનિયરો અને વકીલો જેવા પ્રોફેશનલ્સ તેમજ રૂ. 10,000 થી વધુ માસિક પેન્શન ધરાવતા નિવૃત્ત પેન્શનરો અને અગાઉના મૂલ્યાંકન વર્ષમાં આવકવેરો ભરનારાઓને પણ આ યોજનામાંથી બાકાત રાખવામાં આવ્યા છે.

આ પ્રકારના તમામ સમાચાર માટેે App ડાઉનલોડ કરો.