વિશ્વ બાલિકા દિવસ નિમિત્તે અમરેલી ,’કોફી વિથ કલેક્ટર’
બગસરા, તા. 11 ઓક્ટોબર: વિશ્વ બાલિકા દિવસ નિમિત્તે અમરેલી જિલ્લા કલેક્ટર અજય દહીયાએ બગસરા મેઘાણી હાઇસ્કૂલમાં યોજાયેલા ‘કોફી વિથ કલેક્ટર’ કાર્યક્રમમાં ભાગ લીધો હતો. આ કાર્યક્રમમાં જિલ્લાની વિવિધ ક્ષેત્રોમાં આગળ પડતી દીકરીઓએ ભાગ લઈને પોતાના અનુભવો શેર કર્યા હતા.
બગસરા મેઘાણી હાઇસ્કૂલની પાંચ વિદ્યાર્થીનીઓએ આ કાર્યક્રમમાં વિશેષ ભાગ લીધો હતો. જેમાં મહિડા નેહલ કાળુભાઈ (વકતૃત્વ સ્પર્ધા), મામોડિયા રાબીયા સાજીદભાઈ (સ્કાઉટ એન્ડ ગાઇડ), પોપલિયા જિલ વિજયભાઈ (સ્પોર્ટ્સ, આર્ટ અને એનસીસી), સાગઠિયા ખુશી (બાળ કવિ) અને બસિયા રાજવી પ્રતાપભાઈ (સાંસ્કૃતિક પ્રવૃત્તિઓ)નો સમાવેશ થાય છે.
આ દીકરીઓએ પોતાના ક્ષેત્રમાં હાંસલ કરેલી સિદ્ધિઓ અને ભવિષ્યની યોજનાઓ વિશે કલેક્ટર સાથે વાતચીત કરી હતી. કલેક્ટર દહીયાએ આ દીકરીઓના પ્રયત્નોની પ્રશંસા કરતાં તેમને ઉજ્જવળ ભવિષ્યની શુભકામનાઓ પાઠવી હતી. તેમણે દીકરીઓને શિક્ષણ અને કારકિર્દી બંને ક્ષેત્રે આગળ વધવા પ્રેરણા આપી હતી.
આ કાર્યક્રમ દ્વારા જિલ્લાની દીકરીઓમાં આત્મવિશ્વાસ વધારવા અને તેમને સમાજમાં આગળ આવવા માટે પ્રોત્સાહિત કરવાનો ઉદ્દેશ હતો.
ટીમ એટ ધીસ ટાઈમ x બગસરા કનેક્ટ (હાર્દિક ચૌહાણ)
9909019025
આ પ્રકારના તમામ સમાચાર માટેે
App ડાઉનલોડ કરો.