મોરબી રોડ પર કારમાંથી વિદેશી દારૂના જથ્થા સાથે ઈમીટેશનનો ધંધાર્થી પકડાયો

જુના મોરબી રોડ પરના સીટી સ્ટેશન સામેથી કારમાંથી વિદેશી દારૂની 108 બોટલ સાથે ઈમીટેશનના ધંધાર્થી સાગર ખેરને દબોચી રૂા.1.55 લાખનો મુદ્દામાલ કબ્જે કર્યો હતો. દરોડાની વિગત અનુસાર એલસીબી ઝોન-1ના પીએસઆઈ આર.એચ. કોડીયાતર ટીમ સાથે પેટ્રોલીંગમાં હતા ત્યારે સાથેના કોન્સ્ટેબલ સત્યજીતસિંહ જાડેજા અને ધર્મરાજસિંહને મળેલ ચોકકસ બાતમીના આધારે જુના મોરબી રોડ પરના સીટી સ્ટેશન પાસેથી પસાર થતી કાર નં. જીજે 01 એચએન 9426ને અટકાવી તપાસ કરતા અંદર સીટની પાછળથી વિદેશી દારૂની 108 બોટલ મળી આવતા કાર ચાલક સાગર નિલેશ ખેર (ઉ.વ.24) (ધંધો- ઈમીટેશન) (રહે.લક્ષ્મીવાડી મેઈન રોડ)ને દારૂ અને કાર મળી રૂા.1.55 લાખના મુદામાલ સાથે દબોચી દારૂનો જથ્થો કયાંથી લાવેલ અને કયાં સપ્લાય કરવાનો હતો એ અંગે પુછપરછ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.