હળવદ પરગણા રબારી સમાજના તેજસ્વી તારલાનો સન્માન સમારોહ યોજાયો

વડવાળા મંદિર દુધઈ ના મહંત રામદાસ બાપુ તથા વડવાળા મંદિરના દુધરેજ મંદિરના સંતો ઉપસ્થિત રહ્યા

હળવદ:- શ્રી માલધારી વિવિધલક્ષી વિકાસ ટ્રસ્ટ દ્વારા હળવદ પરગણા રબારી સમાજના તેજસ્વી તારલાઓને પ્રોત્સાહન માટે ધો.૧૦ તથા ધો.૧૨ માધ્યમિક અને ઉચ્ચ માધ્યમિક બોર્ડની પરીક્ષામાં ઉંચી ટકાવારી મેળવેલા તેજસ્વી તારલાઓ તથા નવનિયુક્ત કર્મચારીઓનું સન્માનિત કરવાના કાર્યક્રમ નું શ્રીમતી મણીબેન ઝાંઝણભાઈ ધાંધર રબારી સમાજ છાત્રાલય હળવદ ખાતે આયોજન કરવામાં આવ્યું હતું આ પ્રસંગે દીપ પ્રાગટ્ય દુધઈ વડવાળા મંદિરના મહંત રામદાસ બાપુ તથા સંતો તથા રબારી સમાજના અગ્રણીઓના હસ્તે કરવામાં આવ્યું હતું ધો.૧૦ અને ધો.૧૨ બોર્ડની પરીક્ષામાં ઊંચી ટકાવારી લાવેલા છાત્રોનું સન્માન વડવાળા મંદિર દુધઈ ના મહંત રામદાસ બાપુ તથા વડવાળા મંદિર દુધરેજ ના સંતો મહાવીરદાસ બાપુ તથા પરાગદાસ બાપુ તેમજ રબારી સમાજના આગેવાનો હસ્તે સન્માન કરવામાં આવ્યું હતું સમાજના બાળકોને દાતાઓ તરફથી શિલ્ડ, પ્રમાણપત્ર, બેગ, ફુલસ્કેપ ચોપડાઓ, પેન, ઘડિયાળ સહિતની વસ્તુઓ ભેટ આપીને પ્રોત્સાહિત કર્યા હતા આ રૂડા પ્રસંગે વડવાળા મંદિર દુધઈ ના મહંત રામદાસ બાપુ સહિત સંતોએ છાત્રોને તથા દાતાશ્રીઓને તથા આયોજકોને આશીર્વાદ પાઠવ્યા હતા આ કાર્યક્રમ સફળ બનાવવા માટે શ્રી માલધારી વિવિધલક્ષી વિકાસ ટ્રસ્ટ ના આગેવાનો લીંબાભાઇ રબારી,સવાભાઈરબારી,ભરતભાઈ રબારી,નાગરભાઈ રબારી, જનકભાઈ રબારી, મુકેશભાઈ રબારી, નરેશભાઈ રબારી સહિતના અનેક ગામના નામી અનામી યુવાનોએ જહેમત ઉઠાવી કાર્યક્રમને સફળ બનાવ્યો હતો આ સમગ્ર કાર્યક્રમનું સ્ટેજ સંચાલન સંજયભાઈ રબારી એ કર્યું હતું

રિપોર્ટ રમેશ ઠાકોર હળવદ

આ પ્રકારના તમામ સમાચાર માટેે App ડાઉનલોડ કરો.