ગૌમાંસ રાખવાની શંકાએ ટ્રેનમાં વૃદ્ધ પર હુમલો:લોકો તમાશો જોતા રહ્યા, ઘટનાનો વીડિયો વાઇરલ; 5 થી વધુ લોકો સામે FIR

મહારાષ્ટ્રમાં ચાલતી ટ્રેનમાં એક વૃદ્ધ પર હુમલાની ઘટના સામે આવી છે. સાથી મુસાફરોએ વૃદ્ધને થપ્પડ માર્યા અને દુર્વ્યવહાર કર્યો હતો. તેમના પર ગૌમાંસ લઈ જવાનો આરોપ લગાવ્યો. આ દરમિયાન ટ્રેનમાં બેઠેલા બાકીના લોકો ચૂપચાપ આ તમાશો જોતા રહ્યા. આ ઘટના થોડા દિવસો પહેલા ઇગતપુરી પાસે ધુલે એક્સપ્રેસમાં બની હતી. તેનો વીડિયો સામે આવ્યા બાદ, થાણે જીઆરપીએ પાંચથી વધુ મુસાફરો વિરુદ્ધ FIR નોંધી છે. AIMIM સાંસદ ઈમ્તિયાઝ જમીલે વીડિયો શેર કરતા સરકાર અને પોલીસની નિંદા કરી હતી. વાંચો સમગ્ર ઘટનાની વિગતો...
વાઇરલ વીડિયો અનુસાર, વૃદ્ધ અને મારપીટ કરનાર પેસેન્જર્સ વચ્ચે સીટને લઈને વિવાદ શરૂ થયો હતો. વીડિયોમાં દેખાઈ રહ્યું છે કે લગભગ 10-12 લોકોનું ટોળું વૃદ્ધને ઘેરી લે છે અને ધમકીઓ આપે છે. આ પછી ભીડ તેમના હાથમાં રહેલું બોક્સ ખોલે છે અને માંસ જુએ છે. આ અંગે ભીડ વૃદ્ધને પૂછે છે કે આ બોક્સમાં શું છે? તમે ક્યાં જઈ રહ્યા છો? તમે ક્યાંથી આવ્યા છો? આ બકરીઓ નથી? કેટલા લોકો આ માંસ ખાશે? આ દરમિયાન વૃદ્ધ વ્યક્તિ તેમને કહે છે કે બોક્સમાં ગૌમાંસ નહીં પણ બકરીનું માંસ છે. વૃદ્ધ માણસ ભીડ સાથે આજીજી કરતો જોવા મળે છે, પરંતુ ભીડ તેમને મારવાનું ચાલુ રાખે છે. વૃદ્ધ માણસ ભીડને કહે છે કે તે જલગાંવમાં રહે છે અને માલેગાંવમાં રહેતી તેની પુત્રીના ઘરે માંસ લઈ જઈ રહ્યો છે. પરંતુ ભીડ આ જવાબથી સંતુષ્ટ ન થઈ અને વૃદ્ધને પ્રશ્નો પૂછતી રહી. આ સાથે આ લોકો આ ઘટનાનો વીડિયો પણ બનાવતા રહ્યા. આ સમગ્ર ઘટના દરમિયાન વૃદ્ધનું કહેવું છે કે તેના બોક્સમાં બકરીનું માંસ છે. તેના પર ભીડમાંથી એક વ્યક્તિ કહે છે કે આ કોનું માંસ છે, તે ત્યારે જ ખબર પડશે જ્યારે તેનું પરીક્ષણ કરવામાં આવશે. બીજી વ્યક્તિ કહે કે અમારે શ્રાવણ મહિનો ચાલી રહ્યો છે અને તમે આવું કામ કરો છો. રેલવે કમિશનરે કહ્યું- અમે બે આરોપીઓની ઓળખ કરી લીધી છે
રેલવે કમિશનરે આ ઘટનાની પુષ્ટિ કરી છે અને કહ્યું છે કે આ મામલે FIR નોંધી છે. રેલવે પોલીસ વૃદ્ધ વ્યક્તિ પર હુમલો કરનારા મુસાફરોની શોધ કરી રહી છે. વીડિયો વાઇરલ થયા બાદ, GRPએ પીડિતાનો સંપર્ક કર્યો, જેણે શરૂઆતમાં ફરિયાદ કરવાનો ઇનકાર કર્યો હતો. પોલીસે બે આરોપીઓની ઓળખ કરી છે, જેઓ ધુલેના રહેવાસી છે. તેમને શોધવા માટે પોલીસની એક ટીમ ધુલે મોકલવામાં આવી છે. NCP નેતાએ કહ્યું- મહારાષ્ટ્રના 80% લોકો માંસાહારી, આવી ઘટનાને સહન કરી શકાય નહીં.
એનસીપી (શરદ ચંદ્ર પવાર)ના નેતા જિતેન્દ્ર અવહરે આ ઘટનાની નિંદા કરી અને રાજ્યમાં કાયદો અને વ્યવસ્થાની સ્થિતિ પર પ્રશ્નો ઉઠાવ્યા. તેમણે કહ્યું કે કેટલાક યુવકોએ એક વૃદ્ધ વ્યક્તિ પર હુમલો કર્યો કારણ કે તેઓ માનતા હતા કે તે બીફ લઈ જઈ રહ્યા છે. આ મહારાષ્ટ્ર નથી, આ આપણી સંસ્કૃતિ નથી. આ બધું ક્યાં અટકશે? તેમણે કહ્યું કે મહારાષ્ટ્રમાં 80% લોકો નોન-વેજ ખાય છે. આ આપણું મહારાષ્ટ્ર છે. દરિયાકાંઠાના વિસ્તારોમાં રહેતા 95% લોકો માંસાહારી છે. અમે બધા ધર્મોનું સન્માન કરીએ છીએ. અમે જૈન સમાજનું પણ સન્માન કરીએ છીએ, પરંતુ શંકાના આધારે લોકો પર હુમલો કરવામાં એ કેવી નફરત? અત્યાર સુધીમાં આરોપીઓ ભાગી પણ ગયા હશે. શું તેમને તેમના પિતાની ઉંમરની વ્યક્તિ પર હુમલો કરવામાં શરમ ન હતી?

આ પ્રકારના તમામ સમાચાર માટેે App ડાઉનલોડ કરો.