જનડા પ્રાથમિક શાળામાં રજાના દિવસોમાં આનંદ કિલ્લોલ નગરીમાં કામ કરતા ગુરૂજીઓ

(પ્રતિનિધી વનરાજસિંહ ધાધલ દ્વારા)
બોટાદ જિલ્લાના ગઢડા તાલુકાની જનડા પ્રાથમિક શાળામાં શ્રી નીલેશભાઈ પટેલ દ્વારા આનંદ કિલ્લોલ નગરી " બાળકોને ગમતી શાળા" ના નિર્માણને વેગવંતી બનાવવા માટે પેઇન્ટિંગ કામ શરૂ થયેલ છે. બાળકોનો અભ્યાસ વધારે મજબૂત બને તથા બાળકોને શાળા જોતા જ ગમી જાય તેવું સુંદર નિર્માણનું ભગીરથ કાર્ય શરૂ થયું છે. આ કાર્યમાં શાળા પરિવારના તમામ ગુરૂજીઓ રજાના દિવસે પણ સેવા આપી રહ્યા છે. જેમાં શાળાના આચાર્ય મનુભાઈ, કિરીટભાઈ, કપીલભાઈ, નીલેશભાઈ પટેલ, નીલેશભાઈ હળવદીયા, અશોકભાઈ, વિજયભાઈ, પટેલ નીલેશભાઈ તમામ ગુરૂજીઓ એ સમય દાન આપી શાળાને સુંદર થી દિવ્ય બનાવવા તરફ પોતાનું યોગદાન આપી રહ્યા છે. જનડા શાળા છેલ્લા એક વર્ષમાં પોતાના કાર્યો અને પોતાના ગુરૂજીઓ થકી આગવી ઓળખ ઉભી કરી છે. આ શાળાના ગુરૂજીઓ માટે રજામાં સેવા કાર્યો, શિક્ષણ કાર્યો થકી અલગ ઓળખ ધરાવે છે. આ ઉપરાંત અહીં થતા કાર્યોમાં દાતાઓ નો ખુબ સાથ સહકાર રહેલો છે. જનડા શાળાના ગુરૂજીઓ માટે એક જ સુક્તી છે " કર્મ એજ અમારો ધર્મ." પોતાના કાર્યોને અને શાળાને ઉજવળ બનાવવા બદલ સમગ્ર પરિવારને ખૂબ ખૂબ અભિનંદન. આ શાળાનું સૂત્ર છે અમારો પરિવાર અમારું ગૌરવ ખરે ખર અહીંના ગુરૂજીઓ સાર્થક કરી બતાવેલ છે

આ પ્રકારના તમામ સમાચાર માટેે App ડાઉનલોડ કરો.