ગુરૂદેવ પાર્ક શેરીમાં ચાલતાં મહિલા સંચાલિત જુગારધામમાં દરોડો: નવ મહિલા પકડાઈ

બીગબઝાર પાછળ આવેલ ગુરૂદેવ પાર્ક શેરીમાં ચાલતાં મહિલા સંચાલિત જુગારધામમાં તાલુકા પોલીસે દરોડો પાડી પતા ટીંચતી નવ મહિલાને દબોચી રૂ.14200 ની રોકડ કબ્જે કરી હતી.

દરોડાની વિગત અનુસાર, તાલુકા પોલીસ મથકના પીએસઆઇ એચ.જી.ગોહિલ ટીમ સાથે પેટ્રોલિંગમાં હતાં ત્યારે બીગબઝાર પાછળ આવેલ ગુરૂદેવ પાર્ક શેરીમાં કૃષ્ણશ્રય નામના મકાનમાં રહેતાં જશુબેન લાલજી દુદાણી પોતાના મકાનમાં બહારથી મહિલાઓ બોલાવી જુગાર રમાડે છે તેવી બાતમીના આધારે સ્ટાફે દરોડો પાડી જુગાર રમતાં જશુબેન લાલજી દુદાણી (ઉ.વ.68), સ્મિતાબેન શૈલેષ અમલાણી (ઉ.વ.60),(રહે. શક્તિ કોલોની-4), અંજનાબેન કમલેશ ભટ્ટ (ઉ.વ.57), (રહે. કિશનપરા-1), રાજેશ્રીબેન અશોક કોટક (ઉ.વ.60),(રહે. સુવર્ણભૂમિ એપાર્ટમેન્ટ, સ્પીડવેલ પાર્ટીપ્લોટ પાસે), મધુબાલાબેન ભરત કક્કડ (ઉ.વ.62), (રહે.ક્રિસ્ટલમોલ સામે પ્રદ્યુમ્ન ગ્રીનસીટી), કીર્તિબેન ઉમેશ તન્ના (ઉ.વ.60), (રહે. જલારામ એપાર્ટમેન્ટ, ઘનશ્યામનગર), હરિતાબેન ધર્મેન્દ્ર જાની (ઉ.વ.52), (રહે. જશોદા એપાર્ટમેન્ટ, ઘનશ્યામનગર), આશાબેન મયુર સંઘવી (ઉ.વ.64), (રહે. ઇન્દ્રપ્રસ્થ એપાર્ટમેન્ટ, રૈયારોડ) અને ગીતાબેન કિરણ ઠકરાર (ઉ.વ.49), (રહે. રાધપાર્ક, રોયલપાર્કની સામે) ને પકડી તેની પાસેથી રૂ.14200 ની રોકડ કબ્જે કરી કાયદેસરની કાર્યવાહી કરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.