મવડી બાયપાસ પાસે કારમાંથી વિદેશી દારૂની 21 બોટલ સાથે આશિષ પટેલ ઝડપાયો

મવડી ગામ બાયપાસ પાસે કારમાંથી ક્રાઇમ બ્રાન્ચની ટીમે વિદેશી દારૂની 21 બોટલ સાથે આશિષ પટેલને દબોચી રૂ.3.52 લાખનો મુદ્દામાલ કબ્જે કર્યો હતો. દરોડાની વિગત મુજબ, ક્રાઇમ બ્રાન્ચ એએસઆઈ ચેતન ચાવડા, હેડ કોન્સ્ટેબલ ધર્મેન્દ્રસિંહ ઝાલા અને કોન્સ્ટેબલ અશોકભાઈ ડાંગર સ્ટાફ સાથે પેટ્રોલિંગમાં હતાં
ત્યારે મવડી બાયપાસ પાસે સોરઠીયા પરિવારની વાડીની સામે કાર નં. જીજે.03.એલ.જી.7736 માં દારૂ હોવાની બાતમીના આધારે દરોડો પાડતાં કારની વચ્ચેની સીટમાં પડેલ બાચકામાંથી અલગ અલગ બ્રાન્ડની વિદેશી દારૂની 21 બોટલ મળી આવતાં પોલીસે આશિષ જેન્તી પાંભર (ઉ.વ.23),(રહે.મવડી બાયપાસ, સોરઠીયા પરિવારની વાડી સામે) ને દબોચી તેની પાસેથી આઈફોન, કાર અને દારૂ મળી રૂ.3.52 લાખના મુદ્દામાલ સાથે દબોચી કાયદેસરની કાર્યવાહી કરી હતી. વધુમાં આરોપી દારૂ ક્યાંથી લાવ્યો અને કોને સપ્લાય કરવાનો હતો તે અંગે વધુ પૂછપરછ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.