‘લાપતા લેડીઝ’ ફેમ નિતાંશીએ માતા-પિતાના બલિદાન અંગે કરી વાત:કહ્યું, ‘પિતાએ ફેમિલી બિઝનેસ છોડી દીધો અને માતાએ મને સપોર્ટ કરવા માટે સરકારી નોકરી છોડી’

કિરણ રાવ દ્વારા નિર્દેશિત ફિલ્મ 'લાપતા લેડીઝ' ઘણા સમયથી ચર્ચામાં છે. આ ફિલ્મમાં નિતાંશી ગોયલે ફૂલ કુમારીનો રોલ નિભાવીને લોકોની પ્રશંસા મેળવી છે, જોકે તેમના માટે અહીં પહોંચવું આસાન નહોતું. નિતાંશીએ હાલમાં જ એક ઇન્ટરવ્યૂમાં જણાવ્યું હતું કે, તેમણે ફિલ્મ માટે તેમની પરીક્ષાઓ છોડી દેવી પડી હતી, જ્યારે તેમના માતા-પિતાએ પણ તેમનું સપનું પૂરું કરવા માટે પોતાનો બિઝનેસ અને નોકરી છોડી દીધી હતી. હાલમાં જ રણવીર અલ્લાહબાદિયાને આપેલા એક ઇન્ટરવ્યૂમાં નિતાંશી ગોયલે જણાવ્યું હતું કે, ફિલ્મ 'લાપતા લેડીઝ'ના પ્રમોશનમાં વ્યસ્ત હોવાને કારણે તેમણે 11મા ધોરણની પરીક્ષા આપી ન હતી. જો કે, શાળાએ પણ ટેકો આપ્યો અને પછીથી તેની પરીક્ષા લીધી. નિતાંશીએ કહ્યું, 'મેં મારી પરીક્ષા પાછળથી આપી હતી. હું પરીક્ષા આપી રહી હતી ત્યારે શિક્ષક મારી પાસે આવ્યા અને કહ્યું, તમે બહુ સારું કામ કર્યું છે. ત્યારે ત્યાં ઊભેલા નિરીક્ષકે કહ્યું, તેમને તેમની પરીક્ષા આપવા દો, પછીથી આપણે તેની સાથે વાત કરવાનો તેની સાથે સેલ્ફી લેવાનો અને તેમનું કામ કેટલું સારું છે તે જણાવવાનો મોકો મળશે.' નિતાંશીએ આગળ કહ્યું, 'તે સમયે હું તેમને કહી શકતી નહોતી કે મેં શું કામ કર્યું છે, જો કે હવે જ્યારે બધાએ ફિલ્મ જોઈ છે, મને આશા છે કે તેઓ મારા પર ગર્વ અનુભવતા હશે. હવે હું 12મા ધોરણમાં છું. હું દેખીતી રીતે બોર્ડની પરીક્ષા આપીશ જે આવતા વર્ષે છે.' ટીનએજ લાઈફનો આનંદ માણવા વિશેની વાતચીતમાં નિતાંશીએ કહ્યું, 'આપણા માતા-પિતા સિવાય આપણને કોઈ નિઃસ્વાર્થ પ્રેમ કરી શકે નહીં. મારા માતા-પિતાએ મારું સર્જન કરવા માટે તેમના જીવનનો ત્યાગ કર્યો. હું માત્ર એક્ટિંગ કરવા માગતી હતી અને ટીવી પર દેખાવા માગતી હતી. મારા પિતાએ આ માટે નોઈડામાં પોતાનો ફેમિલી બિઝનેસ છોડી દીધો અને હવે અહીં આવીને કામ કરી રહ્યા છે. મારી માતાએ સરકારી નોકરી છોડી દીધી છે અને હવે અહીં રહે છે. આ બધું એટલા માટે થયું કારણ કે હું એક્ટર બનવા માગતી હતી. આ સાચો પ્રેમ છે અને તમે આનાથી ઓછામાં સેટલ થઈ શકતા નથી.' ઈ-મેલ પર લવ લેટર્સ
ઇન્ટરવ્યૂ દરમિયાન નિતાંશીને પૂછવામાં આવ્યું કે, શું ફેમસ થયા પછી તેને છોકરાઓનું અટેંશન મળી રહ્યું છે? આ સવાલના જવાબમાં કહ્યું, 'મારી માતા હંમેશા મને ફરિયાદ કરે છે કે તું તારા ઈ-મેઇલ્સ વાંચતી નથી, તેથી મારે તે વાંચવા પડે છે, તને ઘણા પ્રેમ પત્રો મળી રહ્યા છે. ઘણી માતાઓ તને મેઈલ પર કહે છે કે તેમને ફૂલ કુમારી જેવી છોકરી જોઈએ છે. તે મને ફૂલ કુમારી, સજની જેવા ઘણા સુંદર નામોથી બોલાવે છે. ઘણા લોકો મને નેશનલ ક્રશ કહીને વીડિયો મોકલે છે. મને આ બહુ ગમે છે. તે ખૂબ જ સુંદર છે, હું તેનો આનંદ લઈ રહી છું.' ફિલ્મ 'લાપતા લેડીઝ' 1 માર્ચ, 2024ના રોજ રિલીઝ થઈ છે. આ ફિલ્મનું નિર્માણ આમિર ખાન અને કિરણ ખાને કર્યું છે, જ્યારે તેનું નિર્દેશન પણ કિરણ રાવે કર્યું છે. આ ફિલ્મ નેટફ્લિક્સ પર પણ પ્રસારિત કરવામાં આવી છે. ફિલ્મમાં પ્રતિભા રતના, નિતાંશી ગોયલ અને સ્પર્શ શ્રીવાસ્તવ, રવિ કિશન જેવા કલાકારો મહત્ત્વની ભૂમિકામાં છે.

આ પ્રકારના તમામ સમાચાર માટેે App ડાઉનલોડ કરો.