પાકિસ્તાનમાં સગીરાના 72 વર્ષના વ્યક્તિ સાથે નિકાહ!:પિતાએ 5 લાખ રૂપિયામાં 12 વર્ષની દીકરીને વેચી દીધી; વરરાજાની ધરપકડ

પાકિસ્તાનના ખૈબર પખ્તુનખ્વા પ્રાંતમાં એક પિતાએ પોતાની 12 વર્ષની પુત્રીના લગ્ન 72 વર્ષના વૃદ્ધ સાથે કરાવવાનો પ્રયાસ કર્યો હતો. પાકિસ્તાની મીડિયા એરી ન્યૂઝ અનુસાર, પોલીસ સમયસર તેમના ઘરે પહોંચી અને નિકાહ થતા અટકાવ્યા અને વરરાજાની ધરપકડ કરી. પોલીસે જણાવ્યું કે બાળકીના પિતા આલમ સૈયદે તેની પુત્રીને 72 વર્ષીય હબીબ ખાનને 5 લાખ પાકિસ્તાની રૂપિયામાં વેચી દીધી હતી. આ પછી બંનેના નિકાહ કરવાનો નિર્ણય લેવામાં આવ્યો હતો. મામલાની માહિતી મળતા જ પોલીસ યુવતીના ઘરે પહોંચી હતી. તેઓએ વર હબીબ અને નિકાહ ખ્વાન (લગ્ન કરાવનાર વ્યક્તિ)ની ધરપકડ કરી હતી. જોકે, યુવતીના પિતા ત્યાંથી ફરાર થઈ ગયા હતા. પોલીસ ફરાર પિતાને શોધવામાં વ્યસ્ત
પોલીસે ધરપકડ કરાયેલા આરોપી અને પિતા વિરુદ્ધ બાળ લગ્ન એક્ટ હેઠળ ગુનો નોંધ્યો છે. બાળકીના પિતાને શોધવાના પ્રયાસો ચાલુ છે. પાકિસ્તાનમાં સગીર છોકરીઓના લગ્ન વિરુદ્ધ કાયદો હોવા છતાં દેશમાં આવા કિસ્સાઓ પ્રકાશમાં આવતા રહે છે. 6 મેના રોજ સ્વાત શહેરમાં એક પિતાએ તેની 13 વર્ષની પુત્રીના નિકાહ 70 વર્ષના વૃદ્ધ સાથે કર્યા હતા. જોકે બાદમાં પોલીસે ત્યાં પહોંચીને પિતા અને વરરાજાની ધરપકડ કરી હતી. આ ઉપરાંત તેઓએ નિકાહ સમારોહ અને સાક્ષી બનેલા લોકોની પણ ધરપકડ કરી હતી અને સગીરાને મેડિકલ તપાસ માટે હોસ્પિટલમાં મોકલી હતી. સગીરાના લગ્ન 50 વર્ષના મકાનમાલિક સાથે
અગાઉ થટ્ટા શહેરમાં પણ એક સગીરા છોકરીના તેના ઘરના માલિક સાથે બળજબરીપૂર્વક નિકાહ કરવામાં આવ્યા હતા, જેની ઉંમર 50 વર્ષની હતી. જોકે બાદમાં પોલીસે યુવતીને બચાવી લીધી હતી. અન્ય એક કેસમાં પંજાબના રાજનપુર શહેરમાં 11 વર્ષની છોકરીના નિકાહ 40 વર્ષીય વ્યક્તિ સાથે થયા હતા. ખૈબર પખ્તુનખ્વા પ્રાંતના કાર્યકર કૈસર ખાન માને છે કે પાકિસ્તાનમાં બાળ લગ્નનું સૌથી મોટું કારણ ગરીબી છે. તે કહે છે, 'આદિવાસી વિસ્તારના લોકો 5 લાખથી 20 લાખ રૂપિયા આપીને સગીર છોકરીઓ સાથે નિકાહ કરે છે. ધાર્મિક નેતાઓ, આદિવાસી વડાઓ અને રાજ્ય વહીવટીતંત્ર આમાં સામેલ છે.' 64 વર્ષના ધારાસભ્યએ માત્ર 14 વર્ષની છોકરી સાથે નિકાહ કર્યા
વર્ષ 2021માં પાકિસ્તાનમાં ઈમરાન ખાનની સરકાર દરમિયાન 64 વર્ષના ધારાસભ્ય મૌલાના સલાઉદ્દીન અયુબીએ 14 વર્ષની છોકરી સાથે નિકાહ કર્યા હતા. આ સમાચાર સામે આવ્યા બાદ સમગ્ર વિશ્વમાં પાકિસ્તાનની ટીકા થઈ હતી. આ પછી માનવાધિકાર કાર્યકર્તાઓએ સરકાર પાસે બાળ લગ્ન સામે નક્કર પગલાં લેવાની માગ કરી હતી.

આ પ્રકારના તમામ સમાચાર માટેે App ડાઉનલોડ કરો.