બિડીનો તણખલો ગાદલા પર પડતાં આગ ભભુકી: ભડભડ સળગી ઉઠેલા વૃદ્ધનું મોત
રાજકોટમાં પથારી વસ વૃદ્ધે બીડી સળગાવીને તણખલો ગાદલા પર પડતાં જે આગ ભભુકી ઉઠી હતી. આગની ઝપેટમાં આવેલ વૃદ્ધનું ઘટના સ્થળે જ કમકમાટીભર્યું મોત નિપજતા અરેરાટી વ્યાપી ગઈ હતી.પ્રાપ્ત વિગત મુજબ, રાજકોટમાં કોઠારીયા રોડ પર માનવધર્મ આશ્રમ પાછળ મેઘાણીનગર-1માં રહેતાં ભાનુભાઈ નરસંગભાઈ બાલાસરા (ઉ.વ.68)ગઈકાલે ઘરે તેઓ અચાનકજ રૂમમાં લાગેલ આગની ઝપેટમાં આવી સળગી ઉઠશે.ઘટના સ્થળે જ તેમનું કમકમાટી ભર્યુ મોત નિપજયું હતું.
બનાવની જાણ થતા ભકિતનગર પોલીસ મથકનો સ્ટાફ દોડી આવ્યો હતો અને જરૂરી કાર્યવાહી કરી મૃતદેહને પિ.એમ.માં ખસેડી ઘટના સ્થળે તપાસ કરતાં બનાવ આકસ્મીક થયાનું પ્રાથમિક તારણ બહાર આવ્યું હતું.વધુમાં ભકિતનગર પોલીસ મથકના પી.આઈ. મયુરધ્વજ સિંહે જણાવ્યું હતું કે, આગની ઘટના અંગે પરીવારની પુછપરછ કરતા જાણવા મળેલ કે મૃતક મણકાની બિમારીથી પીડીત હોય જેથી તેઓ અઠી વર્ષથી પથારીવસ હતાં. હાલ તેમના ઘરે દિવાળીના તહેવાર પુર્વે સાફ-સફાઈ ચાલુ હોય જેથી તેમને નિચેના રૂમમાંથી ઉપરના રૂમમાં સિફટ કર્યા હતાં.દરમીયાન મહીલાઓ નિચે સાફ સફાઈ કરતી હતી ત્યારે ઉપરના રૂમમાંથી ધુમાડો નિકળતાં પરીવારજનોએ દોડી તપાસ કરતાં રૂમમાં આગ લાગી હતી અને તેની ઝપેટમાં ભાનુભાઈ સળગી ગયા હતાં. બનાવ અંગે 108ને જાણ કરતાં 108ની ટીમે તેને તપાસી મૃતજાહેર કર્યા હતો. તેમજ વધુમાં જણાવ્યું કે મૃતકને બિડી પિવાની ટેવ હોય જેથી તેનો તણખલો ગાદલા પર પડતાં આગ ભભુકી હોય તેવું પ્રાથમિક તારણ બહાર આવ્યું હતું. બનાવથી પરીવારમાં શોકનું મોજું ફરી વળ્યું હતું.
9879405838
આ પ્રકારના તમામ સમાચાર માટેે
App ડાઉનલોડ કરો.