દિલ્હી, કાશ્મીર, UP સહીત 5 રાજ્યોમાં NIAના દરોડા:આતંકવાદી ષડયંત્ર અને ટેરર ફંડિંગ કેસ અંગે કાર્યવાહી, મહારાષ્ટ્રમાંથી 4 લોકોની અટકાયત
નેશનલ ઈન્ટેલિજન્સ એજન્સી (NIA)એ મહારાષ્ટ્ર, જમ્મુ-કાશ્મીર, ઉત્તર પ્રદેશ, આસામ અને દિલ્હીમાં એક સાથે 22 ઠેકાણાઓ પર દરોડા પાડ્યા છે. NIAએ આતંકવાદી ષડયંત્રના કેસમાં કાર્યવાહી કરી છે. જેમાં અનેક લોકોની અટકાયત કરીને પૂછપરછ કરવામાં આવી રહી છે. NIAને આશંકા છે કે અટકાયત કરાયેલા લોકોનું આતંકવાદી સંગઠન જૈશ-એ-મોહમ્મદ સાથે કનેક્શન છે. મહારાષ્ટ્રના માલેગાંવ, જાલના અને સંભાજીનગરમાં NIAના દરોડા દરમિયાન ATSની ટીમ પણ સ્થળ પર પહોંચી હતી. NIAએ માલેગાંવના એક હોમિયોપેથી ક્લિનિકમાંથી 3 લોકોની અટકાયત કરી છે. જાલનામાંથી પણ એક વ્યક્તિની અટકાયત કરવામાં આવી છે. આતંકવાદી પ્રવૃતિઓમાં સંડોવણી બદલ તેમની પૂછપરછ કરવામાં આવી રહી છે. મીડિયા રિપોર્ટ્સ અનુસાર, જમ્મુ-કાશ્મીરના બારામુલ્લામાં જે વ્યક્તિના ઘરે દરોડા પાડવામાં આવ્યા છે તેનું નામ ઈકબાલ ભટ છે. તેના પર ટેરર ફંડિંગનો આરોપ છે. આ સિવાય કાશ્મીરમાં કેટલાક સ્થળો પર દરોડા પણ ચાલુ છે. દરોડાની 3 તસવીરો... પશ્ચિમ બંગાળમાં 4 દિવસ પહેલા દરોડા પાડવામાં આવ્યા હતા
1 ઓક્ટોબરે NIAએ પશ્ચિમ બંગાળના વિવિધ જિલ્લાઓમાં એક સાથે અનેક સ્થળોએ દરોડા પાડ્યા હતા. NIAની ટીમે દક્ષિણ 24 પરગણા, આસનસોલ, હાવડા, નાદિયા અને કોલકાતામાં 11 સ્થળોએ શંકાસ્પદ લોકોના ઘરની તપાસ કરી હતી. NIAએ કહ્યું હતું કે જે લોકોના ઘરો પર દરોડા પાડવામાં આવ્યા હતા તેઓ સીપીઆઈ (માઓવાદી)ના કાર્યકરો હતા. તેમણે નક્સલવાદી કૃત્યોને અંજામ આપવામાં સંગઠનના કમાન્ડરોને મદદ કરી હતી. NIAએ કહ્યું હતું કે સર્ચ દરમિયાન ઘણા દસ્તાવેજો અને ઈલેક્ટ્રોનિક ડિવાઈસ જપ્ત કરવામાં આવ્યા છે. આ કેસ પોલિટબ્યુરો, સેન્ટ્રલ કમિટીના સભ્યો, કાર્યકરો અને પ્રતિબંધિત સંગઠનના સમર્થકોના કાવતરા સાથે સંબંધિત છે. NIAના દરોડા સાથે જોડાયેલા આ સમાચાર પણ વાંચો... યુપીમાં NIAના દરોડા, 3 યુવકોની અટકાયત, પ્રયાગરાજમાં વિદ્યાર્થીની પણ પૂછપરછ કરી NIAએ 30 ઓગસ્ટે યુપીના બે શહેરો પ્રયાગરાજ અને મહારાજગંજમાં દરોડા પાડ્યા હતા. રેડ અર્બન નક્સલ ફંડિંગના મામલામાં આ દરોડો પાડવામાં આવ્યો હતો. સવારે 6 વાગ્યે શરૂ થયેલી કાર્યવાહી લગભગ 7 કલાક સુધી ચાલુ રહી હતી. NIAએ પ્રયાગરાજમાં ઈન્કિલાબી છાત્ર મોરચાના સભ્યની પૂછપરછ કરી. એક વિદ્યાર્થીની અટકાયત કરવામાં આવી હતી.
આ પ્રકારના તમામ સમાચાર માટેે
App ડાઉનલોડ કરો.