’16-16 બાળકો પેદા કરો…’:ચીન-રશિયાની જેમ ભારતમાં ‘બાળક પેદા કરો’ પોલિસીની જરૂર? ચંદ્રબાબુ પછી તમિલનાડુના CM બાળકોને લઈને ચિંતિત

આંધ્રપ્રદેશના સીએમ ચંદ્રબાબુ નાયડુ બાદ હવે તમિલનાડુના મુખ્યમંત્રી સ્ટાલિને પણ લોકોને વધુ બાળકો પેદા કરવાની અપીલ કરી છે. સીએમ સ્ટાલિને કહ્યું કે હવે સમય આવી ગયો છે કે નવવિવાહિત યુગલો 16 બાળકો પેદા કરે. ગઈ કાલે આંધ્રપ્રદેશના CMએ પણ 2થી વધુ બાળકો પેદા કરવાને લઈને નિવેદન આપ્યું હતું. વિશ્વમાં સૌથી વધુ વસતિ (140 કરોડથી વધુ) ભારતમાં છે, તો આખરે દક્ષિણ ભારતનાં રાજ્યો કેમ વધુ બાળકોને પેદા કરવા પર ભાર મૂકી રહ્યા છે? ચીન અને રશિયા સાથે તેને કેમ જોડવામાં આવી રહ્યું છે? વાંચો અહેવાલ... સૌથી પહેલા વાંચો તમિલનાડુના CM એમ કે સ્ટાલિને શું કહ્યું, હવે સમય આવી ગયો છે કે નવવિવાહિત યુગલો 16 બાળકો પેદા કરે. અગાઉ વડીલો નવપરિણીત યુગલોને 16 પ્રકારની સંપત્તિ પ્રાપ્ત કરવાના આશીર્વાદ આપતા હતા. કદાચ હવે 16 પ્રકારની સંપત્તિને બદલે 16 બાળકો પેદા કરવાનો સમય આવી ગયો છે. ચેન્નાઈમાં હિન્દુ ધાર્મિક અને એન્ડોમેન્ટ બોર્ડ દ્વારા આયોજિત એક કાર્યક્રમ દરમિયાન મુખ્યમંત્રીએ આ નિવેદન આપ્યું હતું. અહીં મુખ્યમંત્રી એમકે સ્ટાલિનની હાજરીમાં 31 યુગલોએ લગ્ન કર્યાં. હવે વાંચો આંધ્રપ્રદેશના CM ચંદ્રબાબુએ ગઈ કાલે શું કહ્યું હતું, સરકાર એક કાયદો લાવવાની યોજના બનાવી રહી છે, જેમાં બે કરતાં વધુ બાળકો ધરાવતા લોકો જ સ્થાનિક સંસ્થાઓની ચૂંટણી લડી શકશે. આંધ્રપ્રદેશના ઘણા જિલ્લાઓ એવા છે જ્યાં ગામડાઓમાં માત્ર વૃદ્ધો જ છે આખરે દક્ષિણનાં રાજ્યો બાળકોને લઈને કેમ ચિંતામાં... ભારત વૃદ્ધ થઈ રહ્યું છે, યુવાનોની વસતિ ઘટી રહી છે
સેન્ટરના યૂથ ઈન ઈન્ડિયા-2022 રિપોર્ટ અનુસાર, 2036 સુધીમાં દેશની માત્ર 34.55 કરોડ વસતિ જ યુવાનોની હશે, જે હાલમાં 47% કરતાં વધુ છે. હાલમાં દેશમાં 15 થી 25 વર્ષની વચ્ચે 25 કરોડ યુવાનો છે. આગામી 15 વર્ષમાં તે ઝડપથી ઘટશે. 2036 સુધીમાં, 12%થી વધુ વસતિ વૃદ્ધ હશે
યુનાઈટેડ નેશન્સ પોપ્યુલેશન ફંડ (UNFPA)ના ઈન્ડિયા એજિંગ રિપોર્ટ 2023 અનુસાર, 2011માં ભારતમાં યુવા વસતિની સરેરાશ ઉંમર 24 વર્ષ હતી, જે હવે 29 વર્ષ થઈ ગઈ છે. ભારતમાં વૃદ્ધોની વસતિ 2036 સુધીમાં 12.5%, 2050 સુધીમાં 19.4% અને સદીના અંત સુધીમાં 36% થઈ જશે. ચીન-રશિયા જેવા દેશો પણ વધુ બાળકોને જન્મ આપવા પર ભાર મૂકે છે ચીનમાં થ્રી ચાઈલ્ડ પોલિસી અમલમાં મૂકવી પડી
2021માં ચીનમાં થ્રી ચાઈલ્ડ પોલિસી સત્તાવાર રીતે લાગુ કરવામાં આવી હતી. જેથી ત્યાંના લોકો ત્રણ બાળકો પેદા કરી શકશે. જન્મદરમાં વધુ ઘટાડો અટકાવવા માટે ચીને આ નીતિ લાગુ કરી છે. જેથી લોકોને સંતાન પ્રાપ્તિ માટે પ્રેરિત કરી શકાય, સરકારે લોકોને આર્થિક સહાયતા આપવાનાં પગલાં પણ અમલમાં મૂક્યાં છે. નવા કાયદા અનુસાર, માતાપિતાને તેમનાં બાળકોના ઉછેર અને શિક્ષણનો ભાર ન ઉઠાવવો પડે તે માટે, સરકાર નાણાં, કર, વીમો, શિક્ષણ, આવાસ અને નોકરી જેવાં ઘણાં ક્ષેત્રોમાં માતાપિતાને મદદ કરશે. વન ચાઈલ્ડ પોલિસીના કારણે ત્રણ દાયકામાં લગભગ 40 કરોડ જન્મ અટકાવવામાં આવ્યા હતા. વધુ વાંચવા ક્લિક કરો... પુતિને કહ્યું હતું- મહિલાઓએ 8 બાળકને જન્મ આપવો જોઈએ
પહેલીવાર નથી જ્યારે પુતિને દેશના ઘટી રહેલા જન્મદર અંગે ચિંતા વ્યક્ત કરી હોય. અગાઉ ગયા વર્ષે ડિસેમ્બરમાં પુતિને રશિયન મહિલાઓને ઓછામાં ઓછાં 8 બાળકને જન્મ આપવા માટે કહ્યું હતું. રશિયન ઘરોમાં મોટા પરિવારોની પરંપરા રજૂ કરવાની જરૂર છે. પુતિને કહ્યું હતું કે "ઘણા સમુદાયોમાં હજુ પણ વધુ બાળકો પેદા કરીને પરિવાર વધારવા અને પરંપરાઓ જાળવી રાખવાનો ટ્રેન્ડ છે. આપણે યાદ રાખવાની જરૂર છે કે આપણાં દાદી અને પરદાદીના સમયમાં 7-8 બાળક હતાં." રશિયાના રાષ્ટ્રપતિ વ્લાદિમીર પુતિને પોતાના નાગરિકોને ઑફિસમાં કામ કરતી વખતે શારીરિક સંબંધ બાંધવાની અપીલ કરી છે. પુતિને કહ્યું, "રશિયન નાગરિકોની સુરક્ષા અમારી પ્રાથમિકતા છે. રશિયનોનું ભવિષ્ય હવે તેમની સંખ્યા પર નિર્ભર છે." વધુ વાંચવા ક્લિક કરો... પ્રજનન દર શું છે?
નેશનલ ફેમિલી હેલ્થ સર્વે (NFHS-5) અનુસાર, ભારતમાં સરેરાશ દરેક મહિલા બે કે તેથી વધુ બાળકોને જન્મ આપે છે. જો કે, આમાંનાં ઘણાં એવાં બાળકો છે જે 18 વર્ષની ઉંમર સુધીમાં મૃત્યુ પામે છે. તેમજ, કેટલીક મહિલાઓ બાળકને જન્મ આપવામાં સક્ષમ નથી. હાલમાં નેશનલ સ્તરે પ્રજનન દર 2.1 હોવો એ ચિંતાનો વિષય નથી. આ સૂચવે છે કે એક જનરેશન બીજી જનરેશનને બદલી શકે છે. જો કોઈ દેશનો કુલ પ્રજનન દર (TFR- ટોટલ ફર્ટિલીટી રેટ) લાંબા સમય સુધી 2.1થી નીચે આવે છે, તો તે સામાન્ય રીતે વસતિમાં ઘટાડાના સંકેત આપે છે. 2036માં ભારતની વસતિ 152 કરોડ થશે વર્ષ 2036માં ભારતની વસતિ 152.2 કરોડ સુધી પહોંચી શકે છે. 12 ઓગસ્ટે આ અંગેનો એક રિપોર્ટ જાહેર કરવામાં આવ્યો હતો. એવું નોંધવામાં આવ્યું હતું કે સેક્સ રેશિયો 2036 સુધીમાં 1000 પુરુષો દીઠ 952 મહિલાઓ સુધી પહોંચવાની અપેક્ષા છે. 2011ની વસતિ ગણતરીમાં આ આંકડો 943 હતો. રિપોર્ટમાં એવું પણ કહેવામાં આવ્યું છે કે વસતિમાં મહિલાઓની ટકાવારીમાં પણ થોડો સુધારો જોવા મળી શકે છે. વર્ષ 2036માં મહિલાઓની ટકાવારી વધીને 48.8% થવાની ધારણા છે. 2011માં તે 48.5% હતો. પ્રજનન દરમાં ઘટાડાને કારણે, વર્ષ 2011ની સરખામણીએ વર્ષ 2036માં 15 વર્ષથી ઓછી ઉંમરના લોકોનું પ્રમાણ ઘટવાની ધારણા છે. આ સમય દરમિયાન, 60 વર્ષ અને તેથી વધુ વયની વસતિનું પ્રમાણ ઝડપથી વધશે. UN રિપોર્ટ- 77 વર્ષમાં ભારતની વસતિ બમણી થઈ
યુનાઈટેડ નેશન્સ (UN)ની આરોગ્ય એજન્સી યુનાઈટેડ નેશન્સ પોપ્યુલેશન ફંડ (UNFPA)એ એપ્રિલ 2024માં એક રિપોર્ટમાં દાવો કર્યો હતો કે છેલ્લાં 77 વર્ષમાં ભારતની વસતિ બમણી થઈ ગઈ છે. તે 144.17 કરોડ પર પહોંચી છે. રિપોર્ટ અનુસાર, ભારતમાં 2006-2023 વચ્ચે 23% બાળલગ્નો થયાં છે. આ ઉપરાંત, ભારતની કુલ વસતિના 24% 0-14 વર્ષની વયના લોકોની છે. 15-64 વર્ષની વયના લોકોની સંખ્યા સૌથી વધુ 64% છે.

આ પ્રકારના તમામ સમાચાર માટેે App ડાઉનલોડ કરો.