રાજકોટ યાર્ડમાં 36 હજાર મણ જેટલી મરચાની આવક, વાહનોની લાઈનો થતા ખાસ વ્યવસ્થા ગોઠવાઈ

રાજકોટ માર્કેટિંગ યાર્ડમાં છેલ્લા ઘણા સમયથી વિવિધ શિયાળુ પાકની ખૂબ સારી આવક થઈ રહી છે. અગાઉ જીરૂ સહિતની જણસીઓની રેકોર્ડ આવક થયા બાદ આજે યાર્ડમાં 18 હજાર ભારી એટલે કે 36 હજાર મણ જેટલી મરચાની આવક થઈ હતી. આજે યાર્ડમાં 600 કરતા વધુ વાહનોની લાઈનો લાગતા ખાસ વ્યવસ્થા ગોઠવવામાં આવી હતી. આજની મરચાની હરાજીમાં 1,600થી 4,000 સુધીનાં ભાવ બોલાયા હતા. જોકે, દેશી મરચાંની આવક પ્રમાણમાં ઓછી હોવાનું જાણવા મળ્યું હતું.

આ પ્રકારના તમામ સમાચાર માટેે App ડાઉનલોડ કરો.