નવાઝુદ્દીને કહ્યું, ‘હું ઈન્ડસ્ટ્રીનો સૌથી ખરાબ દેખાતો એક્ટર’:બોલ્યો, ‘લોકો કદરૂપો કહીને નફરત કરે છે, પરંતુ ફિલ્મ ઈન્ડસ્ટ્રીમાં કોઈ ભેદભાવ નથી’

બોલિવૂડ એક્ટર નવાઝુદ્દીન સિદ્દીકીએ જણાવ્યું હતું કે તેને તેના લુક અને રંગના કારણે ભેદભાવનો શિકાર બનવું પડ્યું હતું અને લોકો તેને કદરૂપો માનીને નફરત કરતા હતા. નવાઝે કહ્યું કે, તેમને તેમના રંગના કારણે સમાજમાં ભેદભાવનો સામનો કરવો પડ્યો છે પરંતુ તે ફિલ્મ ઈન્ડસ્ટ્રીનો આભાર માને છે જ્યાં તેમને આ બધાનો સામનો કરવો પડ્યો નથી. ઈન્ડસ્ટ્રીઝમાં કોઈ ભેદભાવ નહીં
ન્યૂઝ 18ને આપેલા એક ઇન્ટરવ્યૂમાં નવાઝે કહ્યું, 'મને નથી ખબર કેમ કેટલાક લોકો મારા લુક્સને કારણે મને નફરત કરે છે. કદાચ મારો ચહેરો આવો છે - ખૂબ જ કદરૂપો. જ્યારે હું મારી જાતને અરીસામાં જોઉં છું ત્યારે હું ઘણીવાર એ વિચારું છું. ત્યારે હું મારી જાતને કહું છું કે હું મારો આવો કદરૂપો ચહેરો લઈને ફિલ્મ ઈન્ડસ્ટ્રીમાં કેમ આવ્યો ? શારીરિક રીતે હું આ ફિલ્મ ઈન્ડસ્ટ્રીમાં સૌથી ખરાબ દેખાતો એક્ટર છું. હું આ માનું છું કારણ કે હું આ શરૂઆતથી સાંભળતો આવ્યો છું અને હવે મને પણ એવું જ લાગવા લાગ્યું છે.' ફિલ્મ ઈન્ડસ્ટ્રીના વખાણ કરતા નવાઝે કહ્યું, 'જો તમારામાં થોડી પણ પ્રતિભા હોય તો ઈન્ડસ્ટ્રી તમને ઘણું બધું આપવા તૈયાર છે. સમાજમાં ભેદભાવ છે પણ ઇન્ડસ્ટ્રીઝમાં નથી.' નવાઝે 1999માં ડેબ્યૂ કર્યું હતું
નવાઝુદ્દીનના કરિયરની વાત કરીએ તો તેણે 1999માં ફિલ્મ 'સરફરોશ'થી ડેબ્યૂ કર્યું હતું. આ ફિલ્મમાં આતંકવાદીનો રોલ કર્યો હતો. આ પછી તેમણે 'મુન્નાભાઈ એમબીબીએસ', 'બ્લેક ફ્રાઈડે', 'દેવ ડી', 'કહાની', 'પાન સિંહ તોમર', 'ગેંગ્સ ઑફ વાસેપુર', 'તલાશ', 'કિક', 'બજરંગી ભાઈજાન', 'રમન રાઘવે 2.0', 'સેક્રેડ ગેમ્સ', 'મન્ટો', 'કહાની' સહિત ઘણી ફિલ્મોમાં કામ કર્યું છે. હાલમાં જ નવાઝની ફિલ્મ 'રૌતુ કા રાઝ' OTT પર 28 જૂને રિલીઝ થઈ છે, જેમાં તે પોલીસ ઓફિસરની ભૂમિકામાં છે.

આ પ્રકારના તમામ સમાચાર માટેે App ડાઉનલોડ કરો.