કારે મહિલા-પુરુષને ફૂટબોલની જેમ હવામાં ફંગોળ્યાં, Video:અનેક ફૂટ દૂર જઈને પડ્યાં, એકનું મોત, બીજું ગંભીર; જુઓ 25 સેકન્ડના હચમચાવી દેતા CCTV
મહારાષ્ટ્રના મુંબઈમાં ફરી એકવાર સ્પીડમાં દોડતી કારનો કહેર જોવા મળ્યો. નવી મુંબઈના તલોજા MIDC વિસ્તારમાં મંગળવારે સવારે 9.46 કલાકે એક પુરુષ અને એક મહિલાને કારે ટક્કર મારી હતી. આ ઘટનામાં એક ઘાયલ વ્યક્તિનું મોત નીપજ્યું છે અને બીજાની હાલત ગંભીર છે. અથડામણની ઘટના ત્યાં લાગેલા સીસીટીવીમાં કેદ થઈ ગઈ હતી. એનો 25 સેકન્ડનો વીડિયો સામે આવ્યો છે. એમાં જોવા મળી રહ્યું છે કે એક મહિલા મોબાઈલ ફોન પર વાત કરતી કરતી ચાલી રહી છે. જેવી તે થોડી આગળ વધે છે ત્યારે તેની પાસેથી એક યુવક ક્રોસ કરતો જોવા મળે છે. આ દરમિયાન સ્પીડમાં આવતી કારે આ મહિલા-પુરુષને ટક્કર મારી દે છે. દુર્ઘટના એટલી ભયાનક હોય છે કે મહિલા અને પુરુષ અનેક ફૂટ દૂર જઈને પડે છે. કાર આગળ જઈને અન્ય કાર સાથે અથડાય છે અને અટકી જાય છે. પોલીસના જણાવ્યા પ્રમાણે કાર-ડ્રાઇવરે ગાડીથી કંટ્રોલ ગુમાવ્યો હોવાના કારણે દુર્ઘટના બની હોવાનું જાણવા મળે છે. એમાં એકનું મોત થયું છે જ્યારે બીજાની સારવાર ચાલી રહી છે. 3 તસવીરમાં જાણો દુર્ઘટના... 12 જાન્યુઆરી: મહારાષ્ટ્રના નાસિકમાં 8નાં મોત, 8 ઘાયલ:આઇસરની પાછળ અથડાઈ પિકઅપ; નાસિક-મુંબઈ-આગ્રા હાઈવે પર 4 કિલોમીટર લાંબો જામ મહારાષ્ટ્રના નાસિકમાં રવિવારે સાંજે લગભગ 7 વાગ્યે એક પિકઅપ વાહન લોખંડના સળિયાથી ભરેલા આઇસર વાહન સાથે અથડાયું હતું. આ ઘટનામાં પિકઅપમાં મુસાફરી કરી રહેલા 8 લોકોનાં મોત થયાં, જ્યારે 8 લોકો ઘાયલ થયા છે, જેમાંથી કેટલાકની હાલત નાજુક છે. તેમને નજીકની હોસ્પિટલોમાં દાખલ કરવામાં આવ્યા છે. સંપૂર્ણ સમાચાર વાંચો...
આ પ્રકારના તમામ સમાચાર માટેે
App ડાઉનલોડ કરો.