સાધુવાસવાણી રોડ પર યુવકને જુના મિત્રએ છરીના પાંચ ઘા ઝીંક્યા

નવા 150 ફુટ રીંગ રોડ પર વાજડીગઢમાં રહેતા રાજ હસમુખભાઇ વાસજાળીયા(પટેલ)(ઉ.વ.21) નામનો યુવાન ગઈકાલે રાત્રિના સમયે સાધુવાસવાણી રોડ શ્યામલ કોમ્પલેક્ષ પાસે જમવા ગયો હતો ત્યારે તેમનો મિત્ર નદીમ સંધિ અને એક અજાણ્યો શખ્સ ત્યાં આવ્યા હતા અને તારે મને હજુ 5 હજાર આપવાના છે કહી છરીના આડેધડ ઘા ઝીંકી દીધા હતાં.આ મામલે યુનિવર્સિટી પોલીસ મથકમાં ફરિયાદ નોંધાઈ છે.
રાજ પટેલે ફરિયાદમાં જણાવ્યું હતું કેમારે નદિમ સંધી સાથે ઘણા સમયથી મિત્રતા હતી પરંતુ છેલ્લા ઘણા સમયથી અમારે પૈસાની લેતી-દેતી બાબતે અમે આ એક બીજાને બોલાવતા નથી.ગઇ કાલ તા.18/05 ના રાત્રીના સાડા અગિયાર વાગ્યા આસપાસ હું તથા મારો મિત્ર અમન અમે બંને જમવા માટે સાધુવાસવાણી રોડ શ્યામલ કોમ્પલેક્ષ માં ધારેશ્વર ડેરીની સામે ચાઇનીઝ પંજાબીની લારી એ જમવા ગયા હતા ત્યારે અમે જમીને નીકળેલ ત્યાં નદિમ પોતાના બાઇકમાં એક અજાણ્યા વ્યકિત સાથે નીકળેલ અને મને જોઇ જતા પાછો મારી પાસે આવેલ અને મને કહેવા લાગેલ કે તારે મને જુના 5,000 દેવાના બાકી છે તે મને આપ એવું કહેતા મેં આ નદિમને કહેલ કે મારે કોઇ પૈસા તને દેવાના થતા નથી.
જે વાતમાં નદિમે ગાળો બોલી ઝઘડો કરવા લાગેલ જેથી મારા મિત્ર અમન વચ્ચે પડતા સાથેની બીજો અજાણ્યો ઇસમ પણ મને ગાળો બોલી ઢીકાપાટુનો માર મારવા લાગેલ અને નદિમ વધુ ઉશ્કેરાઇ જતા તેના પાસે રહેલ છરી કાઢી મને ડાબા હાથમાં મારી દિધેલ અને હું રોકવા જતા આ નદિમ એ છરી વડે મને શરીરના ભાગે છાતીના તથા પેટના ભાગે ત્રણ ઘા મારેલ અને ડાબા હાથમાં બે ઘા માર્યા હતા અને તરત આ બંને પોતાના બાઇકમાં બેસી ત્યાંથી ભાગી ગયા હતા.આ મામલે મને ખાનગી હોસ્પિટલમાં ખસેડવામાં આવ્યો હતો.
9879405838

આ પ્રકારના તમામ સમાચાર માટેે App ડાઉનલોડ કરો.