રાણપુર પોલીસે જુગાર ધામ પર દરોડો પાડયો હડમતાળા ગામની સીમ વિસ્તારમાં જુગાર રમતા 11 શખ્સોની ધરપકડ

(અજય ચૌહાણ દ્વારા)
રાણપુર પોલીસે હડમતાળા ગામની સીમ વિસ્તારમાં ચાલતા જુગાર ધામ પર રેડ કરતા જુગાર રમતા રૂપિયા 42100 સાથે 11 શખ્સોની ધરપકડ કરી કાર્યવાહી હાથ ધરી હતી. બોટાદ જિલ્લાના રાણપુર પોલીસ સ્ટેશનના PI, PSIને મળેલી બાતમીના આધારે રાણપુર પોલીસે ગત રાત્રીના હડમતાળા ગામે સીમ વિસ્તારમાં દરોડા પાડયા હતા. પોલીસની રેડ દરમ્યાન અગીયાર શખ્સો જુગાર રમતા હોવાનું સામે આવતા પોલીસે રૂપિયા 42,100 સાથે તમામ 11 શખ્સોની ધરપકડ કરીને કાર્યવાહી હાથ ધરી છે.રાણપુરના હડમતાળા ગામના સીમ વિસ્તારમાં ધમધમતા જુગારધામમાં જુગાર રમતા સલીમ મુસેવાલા, હુસેન ભથાણીયા, ભરત ખોડદા, મેરામ જીજરીયા, માધાભાઈ મેણીયા, સલમાન બાબરીયા, રમેશ પરમાર, નવલ પરમાર, ભીમા ઝાપડીયા, દિનેશ ડાભી, નારણ ડાભીની પોલીસે ધરપકડ કરી તમામ વિરૂધ્ધ જુગાર ધારાની કલમ હેઠળ ગુનો નોંધી કાર્યવાહી હાથ ધરી હતી. ત્યારે રાણપુર પોલીસે જુગાર રમતા તમામ શખ્સોને પોલીસ મથકે લવાતા પોલીસ સ્ટેશન બહાર લોકોના ટોળા એકત્રિત થયા હતા. આ વિસ્તારમાં ઘણા સમયથી જુગારધામ ધમધમતા હોવાનું લોકોમાં ચર્ચાઈ રહ્યું છે.

આ પ્રકારના તમામ સમાચાર માટેે App ડાઉનલોડ કરો.