મોનાએ કરણના મેરેજ પ્રપોઝલને ફગાવ્યું હતું:એક્ટરે કહ્યું, ‘એ તેનો યોગ્ય નિર્ણય હતો’, બળાત્કારના કેસમાં એક મહિનો જેલમાં જઈ ચૂક્યો છે

ટીવી એક્ટર કરણ ઓબેરોયે તાજેતરમાં એક ઈન્ટરવ્યૂ દરમિયાન અભિનેત્રી મોના સિંહ સાથેના પોતાના સંબંધો વિશે વાત કરી હતી. અભિનેતાએ જણાવ્યું કે તેની મુલાકાત મોના સિંહ સાથે 2006માં ટીવી શો 'જસ્સી જૈસી કોઈ નહીં'ના શૂટિંગ દરમિયાન થઈ હતી. થોડો સમય ડેટ કર્યા બાદ બંનેનું બ્રેકઅપ થઈ ગયું. તે મોના સાથે લગ્ન કરવા માગતો હતો, પરંતુ અભિનેત્રીએ તેના લગ્નના પ્રસ્તાવને ફગાવી દીધો. કરણ પર બળાત્કાર અને ખંડણીનો પણ આરોપ લાગ્યો હતો , જેના કારણે તેને જેલમાં જવું પડ્યું હતું. સિદ્ધાર્થ કન્નનને આપેલા એક ઈન્ટરવ્યૂમાં કરણ ઓબેરોયે મોના સિંહ સાથેના પોતાના સંબંધો વિશે વાત કરી હતી. વાતચીત દરમિયાન અભિનેતાએ એ પણ જણાવ્યું કે, 2019માં તેને બળાત્કાર અને છેડતીના આરોપમાં જેલમાં ધકેલી દેવામાં આવ્યો હતો. પછી તેની હાલત લગભગ મૃત્યુ જેવી થઈ ગઈ. તેની સામે હજુ પણ કેસ ચાલી રહ્યો છે. મોના સિંહ સાથેના સંબંધો અંગે કરણ ઓબેરોયે કહ્યું- અમે 'જસ્સી જૈસી કોઈ નહીં'ના શૂટિંગ દરમિયાન મળ્યા હતા. સેટ પર એકબીજા સાથે વધુ સમય વિતાવવાને કારણે અમારી વચ્ચે નિકટતા વધવા લાગી. થોડા સમય માટે ડેટિંગ કર્યા પછી અલગ થઇ ગયા. મેં લગ્નનો પ્રસ્તાવ મૂક્યો હતો, પરંતુ તેણે તેને ફગાવી દીધો હતો. તે પોતાની કારકિર્દી પર ધ્યાન આપવા માગતી હતી. તેમનો નિર્ણય સાચો હતો.' કરણ ઓબેરોયે કહ્યું, 'મને મોના માટે કોઈ ખરાબ લાગણી નથી. હું તે સમયે સમજી શકતો ન હતો, પરંતુ હવે હું સમજી શકું છું. જ્યારે આપણે ઇચ્છીએ છીએ કે અન્ય લોકો આપણા જેવા બને ત્યારે આપણે સહન કરીએ છીએ. જ્યારે તમે કોઈની પાસેથી કંઈપણ અપેક્ષા રાખતા નથી, ત્યારે તમે તેને જજ નહી કરો અને ખુશ રહેશો. જ્યારે તમે યુવાન હો ત્યારે તમે આ સમજી શકતા નથી અને તમે તેને અસ્વીકાર તરીકે લો છો. તે તેની કારકિર્દી પર ધ્યાન કેન્દ્રિત કરવા માગતી હતી તેમાં કંઈ ખોટું નથી. જ્યારે હું આ બાબતો સમજી ગયો ત્યારે મારી પીડા ઓછી થઈ ગઈ.' કરણ ઓબેરોય બળાત્કાર અને છેડતીના આરોપમાં એક મહિનાથી વધુ સમય સુધી જેલમાં રહ્યો હતો. એક મહિલાએ દાવો કર્યો હતો કે, જાન્યુઆરી 2017 થી ફેબ્રુઆરી 2018 વચ્ચે તેની સાથે બળાત્કાર થયો હતો અને કહ્યું હતું કે અભિનેતાએ તેની સાથે લગ્ન કરવાનું વચન આપ્યું હતું. કરણે કહ્યું, 'જેલમાં મારી હાલત લગભગ મૃત જેવી થઈ ગઈ હતી. આ મારા જીવનનો સૌથી ખરાબ તબક્કો હતો.'

આ પ્રકારના તમામ સમાચાર માટેે App ડાઉનલોડ કરો.