માધાપર ચોકડી ઓવરબ્રિજ નીચે હિટ એન્ડ રન: ટ્રકની હડફેટે યુવાનનું કમકમાટીભર્યું મોત
માધાપર ચોકડી ઓવરબ્રિજ નીચે હિટ એન્ડ રનનો બનાવ સામે આવ્યો હતો. કાળમુખા ટ્રકની હડફેટે આદિવાસી યુવાનનું કમકમાટીભર્યું મોત નીપજ્યું હતું.બનાવ અંગે જાણ થતાં ગાંધીગ્રામ પોલીસનો સ્ટાફ દોડી આવ્યો હતો અને જરૂરી કાર્યવાહી હાથ ધરી હતી.
પ્રાપ્ત વિગત મુજબ, કણકોટ પાટીયા પાસે રહેતો સાહિલ હિરાભાઈ સનુરા (ઉ.વ.30) ગઈ રાત્રીના 3.30 વાગ્યાની આસપાસ માધાપર ચોકડી ઓવરબ્રિજ નીચે બેભાન હાલતમાં પડેલ હતો. જયાંથી પસાર થતાં જાગૃત નાગરિકે 108 ને જાણ કરતાં દોડી આવેલ 108 ની ટીમે સારવારમાં સિવિલ હોસ્પિટલમાં ખસેડવામાં આવ્યો હતો.
પરંતુ સારવાર કારગત ન નિવડતાં તેમનું મોત નીપજ્યું હતું. બનાવ અંગે જાણ થતાં ગાંધીગ્રામ પોલીસ મથકના હેડ કોન્સ્ટેબલ રવિભાઈ વાસદેવાણી અને રાઇટર ભરતભાઇ મકવાણા દોડી આવ્યા હતાં અને જરૂરી કાર્યવાહી કરી મૃતદેહને પીએમ અર્થે ખસેડી તપાસ હાથ ધરી હતી.પોલીસ સૂત્રોએ વધુમાં જણાવ્યું હતું કે, મૃતક યુવાન મૂળ જંબુસરનો વતની અને તે માનસિક અશ્વસ્થ હતો. તે કણકોટના પાટીયા પાસે તેના દાદાના મકાનમાં રહેતો હતો. તેમજ તેની તબીયત ખરાબ થતાં તેને વતનમાં રહેતી માતાને બોલાવી હતી. ગઈકાલે તે સિવિલ હોસ્પિટલે દવા લેવા માટે ગયાં બાદ ભૂલો પડી ગયેલ હતો અને મોડી રાતે ટ્રકની હડફેટે ઇજા પહોંચતા તેમનું મોત નિપજ્યાનું સામે આવ્યું હતું.
વધુમાં તેમની માતા કંકુબેને જણાવ્યું હતું કે, સાહિલ બે ભાઈમાં નાનો અને અપરિણીત હતો. અને થોડાં સમયથી તે બીમાર રહેતો હતો. બનાવથી પરિવારમાં આક્રંદ સાથે શોક છવાયો હતો.
9879405838
આ પ્રકારના તમામ સમાચાર માટેે
App ડાઉનલોડ કરો.