’તું મારો ફોન કેમ નથી ઉપાડતો’ કહી નામચીન પ્રીતેષ ઉર્ફે દિકૂએ મિત્રને છરીના બે ઘા ઝીંક્યા
મવડી મેઈન રોડ પર ચા ની દુકાને બેફામ બનેલા પ્રીતેષ ઉર્ફે દિકૂએ તેના મિત્ર તુષાર જેઠવાને તું મારો ફોન કેમ નથી ઉપડતો કહી છરીના ઘા ઝીંકી દેતાં લોહીલુહાણ થયેલા યુવકને સારવારમાં ખસેડાયો હતો. પોલીસે આરોપી વિરુદ્ધ ગુનો નોંધી તેની ધરપકડ કરી હતી. બનાવ અંગે ઉદયનગર શેરી નં.24 માં રહેતાં તુષારભાઈ રમેશભાઈ જેઠવા (ઉ.વ.25) એ નોંધાવેલ ફરિયાદમાં આરોપી તરીકે પ્રીતેષ ઉર્ફે દિકુ અલ્પેશ ગોટેચાનું નામ આપી જણાવ્યું હતું કે,
તેઓ 150 ફૂટ રીંગ રોડ પર આવેલ ઝેડ બ્લ્યુના શોરૂમ પાસે આવેલ શિવ એજન્સીમાં નોકરી કરે છે. ગઈકાલે તેઓ ઘરેથી મવડી મેઈન રોડ પર આવેલ ચા ની કેબીને સાંજના ચા પીવા માટે ગયેલ હતો. દરમિયાન ત્યાં તેનો મિત્ર પ્રીતેશ ઉર્ફે દીકુ ઉભો હતો અને તે પાસે આવીને કહેવા લાગેલ કે, તું કેમ મારો ફોન ઉપાડતો નથી કહેતા તેને કહેલ કે, હું સૂતો હતો એટલે મેં કોઈના ફોન ઉપાડેલ નથી. જેથી તે કહેવા લાગેલ કે, તારે તારા બાપ પ્રિતેષના ફોન તો ઉપાડવા પડે કહી ગાળો આપી તેના નેફામાંથી છરી કાઢીને જમણા પગમાં છરીનો એક ઘા ઝીંકી દિધો હતો.
તેમજ બીજો ઘા ઝીંકવા જતાં આડો હાથ રાખતા આંગળીમાં છરીનો ઘા લાગતા લોહી નીકળવા લાગેલ હતું. દરમિયાન ત્યાંથી ફરિયાદી ભાગવા જતાં આરોપીએ ધમકી આપેલ કે, તે જો હવેથી મારા ફોન નહી ઉપાડે અને કોઈ પોલીસ ફરિયાદ કરીશ તો તને જાનથી મારી નાખીશ તેવી ધમકી આપેલ હતી. બાદમાં ઇજાગ્રસ્ત યુવકને લોહીલુહાણ હાલતમાં સારવારમાં સિવિલ હોસ્પિટલમાં ખસેડવામાં આવેલ હતો. બનાવ અંગેની ફરિયાદ પરથી માલવીયનગર પોલીસ મથકમાં આરોપી વિરૂદ્ધ 324,504,506 સહિતની કલમ હેઠળ ગુનો નોંધી ધરપકડ કરવામાં આવી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.