જામનગરમાં શંકરટેકરી વિસ્તારમાં રહેતી પરિણીતાને તેના પતિનો સિતમ
જામનગર,તા.13 ઓગષ્ટ 2022,શનિવારજામનગરમાં શંકરટેકરી વિસ્તારમાં રહેતી એક પરિણીતાને તેના પતિએ મારકૂટ કરી ત્રાસ ગુજારી ઘરમાંથી કાઢી મુક્યાની ફરિયાદ પોલીસમાં નોંધાવી છે.આ ફરિયાદ અંગેના બનાવની વિગત એવી છે કે જામનગરમાં શંકરટેકરી નવી નિશાળ પાસે રહેતી શહેનાજ બેન વસીમભાઈ ખફી નામની ૨૨ વર્ષની મુસ્લિમ પરિણીતાએ જામનગરના મહિલા પોલીસ મથકમાં પોતાના પતિ વસિમ હાજીભાઇ ખફી સામે પોતાને ઘરકંકાસ બાબતે ઝઘડો કરી મારકૂટ કરી ઘરમાંથી હાંકી કાઢવા અંગેની ફરિયાદ નોંધાવી હતી. જે ફરિયાદના અનુસંધાને મહિલા પોલીસ સ્ટેશનના સ્ટાફે પતિ વસીમ ખફી સામે સ્ત્રી અત્યાચાર ધારા હેઠળ ગુનો નોંધી વધુ તપાસ હાથ ધરી છે.
આ પ્રકારના તમામ સમાચાર માટેે
App ડાઉનલોડ કરો.