મલાઇકા-અર્જુનનું ખુન્નસભર્યું બ્રેકઅપ:ફેશન શૉમાં એકબીજાની સામેથી પસાર થયાં, પરંતુ સામે પણ ન જોયું, દૂર દૂર બેસીને પ્રસંગ સાચવ્યો

ઈન્ડસ્ટ્રીમાં ગરમાગરમ ચર્ચા છે કે, મલાઈકા અરોરા અને અર્જુન કપૂરનું બ્રેકઅપ થઈ ગયું છે. દરમિયાન શુક્રવારે (26 જુલાઈ)ના રોજ બંને એક જ ઈવેન્ટમાં જોવા મળ્યાં હતાં. જો કે, તેઓ બંને એક સાથે ઇવેન્ટમાં પહોંચ્યા ન હતા અને ન તો તેઓ સાથે જોવા મળ્યા હતા, પરંતુ તેઓ ચોક્કસપણે સામસામે આવ્યા હતા. જોવા જેવી વાત એ છે કે બંને એકબીજાની સામેથી પસાર થયા છતાં એકબીજાની સામે પણ ન જોયું! બંને એકબીજાથી દૂર બેઠેલા જોવા મળ્યાં હતાં
મલાઇકા અને અર્જુન બંને નવી દિલ્હીમાં આયોજિત ‘ઈન્ડિયન કોટ્યોર વીક’માં પહોંચ્યા હતા. આ ઈવેન્ટમાં બંને આગળની સીટ પર બેઠાં હતાં. જોકે, બંને એકબીજાથી દૂર બેઠા જોવા મળ્યાં હતાં. મલાઈકાએ આ ઈવેન્ટમાં રેમ્પ વોક કર્યું હતું, ત્યારે અર્જુન માત્ર તેમાં હાજરી આપવા આવ્યો હતો. સામેથી પસાર થઇ, પણ સામે ન જોયું
ઈવેન્ટમાંથી બંનેનો બીજો વીડિયો વાઇરલ થયો છે જેમાં મલાઈકા અર્જુનની સામેથી પસાર થઈ હતી પરંતુ બંનેએ એકબીજા સામે જોયું ન હતું. જ્યારે અર્જુન પોતાના ફેન્સ સાથે ક્લિક થઈ રહ્યો હતો ત્યારે મલાઈકા પાછળથી જવાનો પ્રયાસ કરી રહી હતી. અર્જુને ચાહકોને તેને રસ્તો આપવા કહ્યું જેથી તે આરામથી પસાર થઈ શકે. આ પછી મલાઈકા અર્જુનની સામેથી પસાર થઈ પરંતુ બંનેએ એકબીજા સામે પણ જોયું નહીં. બ્રેકઅપ અંગેની અટકળો સાચી સાબિત થતી જોવા મળી રહી છે
આ પહેલાં શુક્રવારે જ્યારે બંને મુંબઈ એરપોર્ટ પર સ્પોટ થયાં હતાં ત્યારે બધાએ વિચાર્યું હતું કે, તેમની વચ્ચે બધું બરાબર છે અને તેઓ વેકેશન પર જઈ રહ્યાં છે.
જોકે, ઈવેન્ટમાંથી બહાર આવેલા આ વીડિયોને જોયા બાદ તેમના બ્રેકઅપની અટકળો વધારે બળવત્તર બની રહી રહી છે.અર્જુન અને મલાઈકાના અલગ થવાના સમાચાર આ વર્ષે શરૂ થયા જ્યારે બંનેએ ન તો એકબીજાના જન્મદિવસ પર હાજરી આપી અને ન તો સોશિયલ મીડિયા પર એકબીજાને શુભેચ્છા પાઠવી હતી.

આ પ્રકારના તમામ સમાચાર માટેે App ડાઉનલોડ કરો.