મહિમા ચૌધરીને પ્રેમમાં મળ્યો હતો દગો:એક્ટ્રેસે બોયફ્રેન્ડને રંગે હાથે પકડ્યો; કહ્યું, ‘તેમણે મારી સાથે સારો વ્યવહાર નથી કર્યો’

એક્ટ્રેસ મહિમા ચૌધરી લગ્ન પહેલાં ટેનિસ ખેલાડી લિએન્ડર પેસ સાથે રિલેશનશિપમાં હતી. તેમની સાથે છેતરપિંડી કરવામાં આવી હતી અને અલગ થઈ હતી. મીડિયા રિપોર્ટ્સ અનુસાર, પેસે મોડલ રિયા પિલ્લઈના કારણે મહિમા સાથે છેતરપિંડી કરી હતી. એક ઇન્ટરવ્યૂ દરમિયાન મહિમાએ કહ્યું હતું કે જ્યારે મને ખબર પડી કે તેમના જીવનમાં મારા સિવાય કોઈ બીજું પણ છે, ત્યારે મેં તેમને છોડી દેવાનું શ્રેષ્ઠ માન્યું. તે ચોક્કસપણે એક મહાન ખેલાડી છે, પરંતુ તેમણે મારી સાથે સારો વ્યવહાર કર્યો નથી. 'મિસ માલિની'ને આપેલા ઇન્ટરવ્યૂમાં મહિમા ચૌધરીએ લિએન્ડર પેસ અને તેમના સંબંધો વિશે ખુલીને વાત કરી હતી. એક્ટ્રેસે કહ્યું- લિએન્ડર પેસ મારી સાથે ઈમાનદાર નહોતો. જ્યારે મને ખબર પડી કે તે બીજા કોઈને ડેટ કરી રહ્યો છે ત્યારે હું દંગ રહી ગઈ હતી. મારા માટે બધું મુશ્કેલ હતું. પછી મેં મારી જાતને નિયંત્રિત કરી અને તેને છોડી દેવાનું જ બેસ્ટ માન્યું હતું. એવું કહેવાય છે કે મહિમા ચૌધરી સાથે રિલેશનશિપમાં હતા ત્યારે લિએન્ડર પેસે એક્ટર સંજય દત્તની પૂર્વ પત્ની રિયા પિલ્લઈને ડેટ કરવાનું શરૂ કર્યું હતું. જોકે, લિએન્ડર પેસનો રિયા સાથેનો સંબંધ પણ લાંબો સમય ટકી શક્યો નહીં. લિએન્ડરે પણ રિયા સાથે છેતરપિંડી કરી હતી અને તે ઘરેલુ હિંસા માટે દોષી સાબિત થયો હતો. જોકે, લિએન્ડર પેસથી અલગ થયા બાદ મહિમાએ 2006માં બિઝનેસમેન બોબી મુખર્જી સાથે લગ્ન કર્યા હતા. પરંતુ 2011માં તેમના છૂટાછેડા થઈ ગયા. બંનેને એક પુત્રી છે, જેનું નામ એરિયાના છે. મહિમા ટૂંક સમયમાં કંગના રનૌતની ફિલ્મ 'ઇમર્જન્સી'માં જોવા મળશે.

આ પ્રકારના તમામ સમાચાર માટેે App ડાઉનલોડ કરો.