મહેશ ભટ્ટને ડિરેક્શનથી આવ્યો કંટાળો:કહ્યું, ‘હવે હું આ કામ નહીં કરી શકું, નવી પ્રતિભાઓને તક આપવી જરૂરી છે’

હાલમાં જ ફિલ્મ નિર્માતા મહેશ ભટ્ટે જાહેરાત કરી છે કે તેઓ ફિલ્મ નિર્દેશનની દુનિયામાં પાછા નહીં ફરે. 2020માં રિલીઝ થયેલી તેની છેલ્લી ફિલ્મ 'સડક 2'ને નબળો પ્રતિસાદ મળ્યો હતો. આ ફિલ્મમાં આલિયા ભટ્ટ લીડ રોલમાં હતી. ઈન્ડિયન એક્સપ્રેસને આપેલા ઇન્ટરવ્યૂમાં ભટ્ટે કહ્યું કે તે હવે ડિરેક્ટરને બદલે મેન્ટર બનીને વધુ ખુશ છે. તેમણે કહ્યું, 'જે લોકો સફળ થાય છે તેઓ સમયસર પોતાની છાપ છોડવાની ઝંખના ધરાવે છે. હવે મને મનોરંજન ઉદ્યોગમાં મારી છાપ છોડવાની ઈચ્છા નથી. વિક્રમ (ભટ્ટ) પાસે આ ઝંખના છે, અવિકા (ગૌર) પાસે પણ છે. પણ, હું વૃદ્ધ છું. હવે હું નવી પ્રતિભાઓને દિશા આપવામાં આનંદ અનુભવું છું. મારા માટે લોકોમેં ક્રિએટ કરવામાં વધુ સંતોષકારક કંઈ હોઈ શકે નહીં. મહેશ ભટ્ટે પોતાના કરિયરમાં 50થી વધુ ફિલ્મોનું નિર્દેશન કર્યું છે. 1999માં ફિલ્મ 'કાર્તુસ'થી ડિરેક્શનમાંથી નિવૃત્ત થયા બાદ ભટ્ટે 'સડક 2'થી કમબેક કર્યું હતું. વાતચીત દરમિયાન, ભટ્ટે એ પણ ખુલાસો કર્યો કે તે હવે ફિલ્મોની દુનિયાથી સંપૂર્ણપણે દૂર રહેવા માગે છે અને નવી પેઢીને તૈયાર કરવા માટે તેમની શક્તિ કેન્દ્રિત કરવા માગે છે. આ દિવસોમાં મહેશ ભટ્ટ તેની નવી ફિલ્મ 'બ્લડી ઇશ્ક'ના પ્રમોશનમાં વ્યસ્ત છે. આ ફિલ્મનું નિર્દેશન વિક્રમ ભટ્ટે કર્યું છે અને તેમાં અવિકા ગૌરે મુખ્ય ભૂમિકા ભજવી છે. આ ફિલ્મની વાર્તા મહેશ ભટ્ટે લખી છે.

આ પ્રકારના તમામ સમાચાર માટેે App ડાઉનલોડ કરો.