મહારાષ્ટ્રમાં કાર ચલાવતી મહિલા ખાઈમાં પડી, VIDEO:મિત્ર પાસે રિલ્સ બનાવડાવી રહી હતી; રિવર્સ દરમિયાન પહાડ પરથી 300 ફૂટ નીચે પડતાં મોત
મહારાષ્ટ્રમાં રીલ બનાવતી વખતે 300 ફૂટ ખાઈમાં પડી જતાં એક મહિલાનું મોત થયું હતું. મામલો ઔરંગાબાદ જિલ્લાના સુલીભંજનનો છે. મહિલાની ઓળખ 23 વર્ષીય શ્વેતા દીપક સુરવસે તરીકે થઈ છે. ખાઈમાં પડવાની થોડીક સેકન્ડનો વીડિયો પણ સામે આવ્યો છે. શ્વેતા સોમવારે (17 જૂન) બપોરે લગભગ 2 વાગ્યે તેના 25 વર્ષીય મિત્ર સૂરજ સંજાઉ મુલે સાથે ઔરંગાબાદથી સુલીભંજન હિલ્સ ગઈ હતી. સુલીભંજન સ્થિત દત્ત મંદિર પાસે પર્વત પર ડાઇવિંગ શીખતી વખતે તે રીલ્સ બનાવડાવી રહી હતી. આ દરમિયાન કાર ખાડીમાં ખાબકતાં અકસ્માત સર્જાયો હતો. વીડિયોમાં જોવા મળ્યું હતું કે શ્વેતા ડ્રાઇવિંગ સીટ પર બેસીને કાર ચલાવી રહી હતી. તેનો મિત્ર સૂરજ કારની બહારથી વીડિયો શૂટ કરી રહ્યો હતો. આ દરમિયાન શ્વેતાએ કાર રિવર્સ કરવા ગઈ. તે સમયે ખાઈ અને કાર વચ્ચે માત્ર 50 મીટરનું અંતર હતું. કાર રિવર્સ કરતી વખતે શ્વેતાએ બ્રેક મારવાને બદલે એક્સીલેટર લગાવ્યું. તેનો મિત્ર જે વીડિયો શૂટ કરી રહ્યો છે તે તેને ક્લચ દબાવવાનું કહે છે. તે કારને રોકવા માટે પણ દોડે છે, પરંતુ ત્યાં સુધીમાં કાર પાછળના ખાડામાં પડી જાય છે. આ અકસ્માતમાં શ્વેતાનું ઘટનાસ્થળે જ મોત થયું હતું. ઘટના બાદ લેવામાં આવેલી તસ્વીરોમાં ખરાબ રીતે ક્ષતિગ્રસ્ત કાર ઝાડીઓમાં ફસાયેલી જોવા મળે છે.
આ પ્રકારના તમામ સમાચાર માટેે
App ડાઉનલોડ કરો.