રાજકોટમાં મહિલાને બચાવવા સિટી બસના ડ્રાઈવરે બ્રેક મારતા લાગી નહીં, અંતે દીવાલ સાથે બસ અથડાવી, 17થી વધુ મુસાફરોના જીવ તાળવે ચોટ્યા
રાજકોટમાં દોડી રહેલી સિટી બસોના ઘણીવાર ટેકનિકલ ખામીને કારણે અકસ્માતો થાય છે. ત્યારે આજે સવારે મહિલા કોલેજ અંડરબ્રિજમાં પણ સિટી બસની અકસ્માતનો બનાવ સામે આવ્યો છે. જેમાં એક્ટિવા ચાલક મહિલાને બચાવવા માટે પાછળ આવતી સિટી બસના ડ્રાઈવરે બ્રેક મારી પણ બ્રેક લાગી જ નહીં અને તાત્કાલિક સમયસુચકતા વાપરી સિટી બસને અંડરબ્રિજની દીવાલ સાથે અથડાવી દીધી હતી. આથી મહિલાનો માંડ માંડ જીવ બચ્યો હતો. જોકે બસની અંદર રહેલા 17થી વધુ મુસાફરોના જીવ ઘડીભર તાળવે ચોટી ગયા હતા. પણ એકેય મુસાફરને ઇજા પહોંચી ન હોવાથી ડ્રાઈવર અને કન્ડક્ટરે રાહતને શ્વાસ લીધો હતો.
આ પ્રકારના તમામ સમાચાર માટેે
App ડાઉનલોડ કરો.